ເຕືອນສະຕິ 8 ຂໍ້ຕ້ອງເອົາໃຈໃສ່ໃນໄລຍະປີໃໝ່
ປະຊາຊົນລາວບັນດາເຜົ່າຄວນເອົາໃຈໃສ່ ແລະ ຕ້ອງເພີ່ມຄວາມລະມັດລະວັງໃນໄລຍະສະຫລອງບຸນປີໃໝ່ລາວມີ 7 ຂໍ້ຄື:
1.ຂັບຂີ່ລົດບໍ່ຄວນດື່ມສິ່ງມືນເມົາທຸກໆປະເພດ ຖ້າເມົາແລ້ວຕ້ອງນອນພັກຜ່ອນບໍ່ຕ້ອງເຄື່ອນໄຫວຫຍັງໝົດ ແຕ່ມີກໍລະນີຕ້ອງຢາກກັບເມືອເຮືອນຄວນໂທຫາພໍ່ແມ່ ແລະ ໝູ່ເພື່ອນທີ່ໄວ້ໃຈ
2.ກ່ອນອອກເດີນທາງຕ້ອງກວດກາສະພາບເຕັກນິກລົດຢ່າງລະອຽດວ່າພ້ອມຈະເດີນທາງ ຫລື ບໍ່?ເພື່ອຫລີກເວັ້ນອຸບັດຕິເຫດ
3.ກ່ອນອອກຈາກເຮືອນຕ້ອງມອດໄຟ ແລະ ກວດກາຄວາມເປັນລະບຽບຮຽບຮ້ອຍເຊັ່ນ: ຄວນມີຜູ້ຢູ່ຜູ້ໄປ ແລະ ອັດເຮືອນອັດຊານຄັກແນ່
4. ຫ້າມເອົາສິ່ງເປີເປື້ອນ ແລະ ນໍ້າສີຫົດໃສ່ກັນ
5.ຫ້າມເອົາຖົງນໍ້າ, ນໍ້າແຂງ ແລະ ສິ່ງອັນຕະລາຍແກວ່ງໃສ່ກັນ
6.ການໄປຫລິ້ນຕ້ອງໄປພ້ອມໆກັບໝູ່ເພື່ອນ, ຍາດພີ່ນ້ອງ ແລະ ພໍ່ແມ່ເພື່ອຮັບປະກັນບັນຫາອາດບໍ່ຄາດຄິດເກີດຂຶ້ນ
7.ລະວັງເຫດຮ້າຍເຫດ ແລະ ກຸ່ມສ່ວນໂອກາດກໍ່ກວນສ້າງຄວາມບໍ່ສະຫງົບ ສະນັ້ນຕ້ອງເປັນຫູເປັນຕາສອດສ່ອງ ແລະ ລາຍງານເຈົ້າໜ້າທີ່ກ່ຽວຂ້ອງໃຫ້ທັນເຫດການ.
8. ຫ້າມນຸ່ງເຄື່ອງຍົວຢວນຊວນຄິດ ແລະ ບໍ່ຄວນນຸ່ງສັ້ນເກີນໄປອັນສ້າງຄວາມເຊື່ອມເສຍຕໍ່ຮີດຄອງປະເພນີອັນດີງາມ

ແຫລ່ງຂ່າວຈາກ: ພັດທະນາລາວ