spot_img
Homeຂ່າວຕ່າງປະເທດກອງທັບອີຣັກ ປົດປ່ອຍຄຸກໃຕ້ດິນຂອງກຸ່ມໄອເອັສ ປະຊາຊົນກວ່າ 1,500 ຄົນ ຖືກປ່ອຍຕົວ!

ກອງທັບອີຣັກ ປົດປ່ອຍຄຸກໃຕ້ດິນຂອງກຸ່ມໄອເອັສ ປະຊາຊົນກວ່າ 1,500 ຄົນ ຖືກປ່ອຍຕົວ!

Published on

ສຳນັກຂ່າວຕ່າງປະເທດ ລາຍງານໃນວັນທີ 3 ເມສາຜ່ານມານີ້ວ່າ ເມື່ອວັນ​ທີ 2 ເມສາ 2016 ກອງທັບອີ​ຣັກ ໄດ້ພົບ​ເຫັນ​ມີ​ຄຸກ​ຂະໜາດໃຫຍ່​ໃຕ້​ດິນແຫ່ງໜຶ່ງ ຊຶ່ງໄດ້​ກັກ​ຂັງນັກໂທດປະມານ 1,500 ຄົນ ໃນ​ບັ້ນ​ຮົບ​ປົດ​ປ່ອຍເທດ​ສະ​ບານຮີດ ແຂວງອັນບາ ຈາກ​ການຍຶດຄອງຂອງກຸ່ມລັດອິດສະລາມ ຫລື ໄອເອັສ ໂດຍບັນດານັກໂທດທີ່ຖືກກັກຂັງ ແມ່ນໄດ້ຮັບການຊ່ວຍເຫລືອປ່ອຍຕົວ ໂດຍທະຫານຂອງອີຣັກທັນທີ.

ທັງນີ້ ກອງທັບອີ​ຣັກ ໄດ້​ປົດປ່ອຍ​​ເທດ​ສະ​ບານ​ຮີດ ຊື່ງ​ແມ່ນ​ໜຶ່ງໃນ​ບັນ​ດາ​ເຂດ​ທີ່​ມີ​ປະ​ຊາ​ຊົນ​ ດຳ​ລົງ​ຊີ​ວິດ​ຫລາຍກວ່າ​ໝູ່​ແຂວງອັນບາ ຢ່າງສົມບູນເປັນທີ່ຮຽບຮ້ອຍ, ແນວໃດ​ກໍ​ຕາມ ມີ​ບາງ​ເຂດ​ຂອງແຂວງດັ່ງກ່າວ ຍັງ​ຖືກກຸ່ມລັດອິດສະລາມ ຫລື ໄອເອັສຄວບ​ຄຸມໄວ້ຢູ່. ຕາມ​ຕົ​ວ​ເລກ​ສະ​ຖິ​ຕິ​ຂອງອົງການສະຫະປະຊາຊາດແລ້ວ, ນັບແຕ່ວັນ​ທີ 11 ມີນາມາ​ຮອດ​ປັດຈຸ​ບັນ ການສູ້ຮົບກັນ​ຢູ່ແຂວງອັນບາ ໄດ້​ເຮັດ​ໃຫ້​ເຮືອນ​ຊານ​ບ້ານ​ຊ່ອງ​ຂອງປະຊາຊົນຖືກທຳລາຍ ເຮັດໃຫ້ປະຊາຊົນກວ່າ 35,000 ຄົນຂາດທີ່ຢູ່ອາໄສ ໂຍດອົງການສະຫະປະຊາຊາດ ແລະ ບັນ​ດາ​ອົງ​ການ​ຄູ່​ຮ່ວມ​ມື ​ໄດ້​ຮຽກ​ຮ້ອງ​ບ້ວງ​ເງິນຊ່ວຍ​ເຫລືອ​ດ່ວນ ລວມ​ມູນ​ຄ່າ 861 ລ້ານໂດລາ ໃຫ້​ແກ່​ປະ​ຊາ​ຊົນອີ​ຣັກ ໃນ​ປີ 2016 ນີ້ ແຕ່​ມາ​ຮອດ​ປັດ​ຈຸ​ບັນ ແມ່ນໄດ້ຮັບການບໍລິຈາກພຽງ​ 74 ລ້ານໂດລາເທົ່ານັ້ນ.

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...