Homeຂ່າວການສຶກສານັກສຶກສານະຄອນຫລວງ-ປາກເຊໄດ້ຮັບລາງວັນການແຂ່ງຂັນຫລິ້ນເກມທາງອິນເຕີເນັດ

ນັກສຶກສານະຄອນຫລວງ-ປາກເຊໄດ້ຮັບລາງວັນການແຂ່ງຂັນຫລິ້ນເກມທາງອິນເຕີເນັດ

Published on

ໃນ​ໂອກາດສະເຫລີມສະຫລອງວັນຝຣັ່ງໂກໂຟນີສາກົນ ​ເມື່ອທ້າຍ​ເດືອນ​ມີນາຜ່ານມາ, ໄດ້ມີ​ ກິດຈະກໍາແຂ່ງຂັນຫລິ້ນເກມຄົ້ນຫາຄຳຕອບທາງອິນ​ເຕີ​ເນັດ«Rendez-vous nu mérique» ພາຍໃຕ້ຫົວຂໍ້ກ່ຽວກັບດ້ານກິລາ, ​ໂດຍອົງການມະຫາວິທະຍາໄລຝຣັ່ງໂກໂຟນີ (AUF), ຂຶ້ນ​ທີ່ຫ້ອງການສຶກສານະຄອນຫລວງວຽງຈັນ, ວິທະຍາໄລຄູຫລວງພະບາງ ແລະ ວິທະຍາ​ໄລ​ຄູປາກເຊ ​ເຊິ່ງ ມີນັກສຶກສາ ຈາກໂຮງຮຽນຕ່າງໆ​ເຂົ້າ​ຮ່ວມແຂ່ງຂັນໃນໄລຍະເວລາ 90 ນາ​ທີ  ເພື່ອຕອບຄຳຖາມ ໂດຍຜ່ານການຄົ້ນຫາຂໍ້ມູນທາງອິນເຕີເນັດ.ນອກຈາກນີ້ ບັນດານັກສຶກສາຍັງໄດ້ທົດສອບຄວາມສາມາດຂອງເຂົາເຈົ້າ ດ້ວຍການນໍາໃຊ້ເຄື່ອງມືທາງອິນເຕີເນັດ, ​ເພື່ອເປັນໂອກາດທີ່ເຮັດໃຫ້ເຂົາເຈົ້າໄດ້ຄົ້ນພົບກິລາຊະນິດຕ່າງໆ ແລະ ບັນດານັກກິລາທີ່ມີຊື່ສຽງໃນປະເທດຝຣັ່ງໂກໂຟນີ ຜ່ານກິດຈະກໍາໂດຍນໍາໃຊ້ພາສາຝຣັ່ງ.

ເກມການແຂ່ງຂັນຄັ້ງນີ້ແມ່ນເປັນຮູບແບບຄຳຖາມອອນລາຍ ໂດຍໃຫ້ຕື່ມຄຳຕອບໃສ່ຢູ່ໃນພາກທີ 1 ​ເຊິ່ງຜູ້ແຂ່ງຂັນຕ້ອງໄດ້ຄົ້ນຫາຊື່ຂອງກິລາດ້ວຍການເບິ່ງຮູບພາບ ແລະ ຊື່ຂອງນັກກິລາ ໂດຍອາ ​​ໄສຄຳ​ໃບ້ທີ່ບອກ. ໃນພາກທີ 2 ອາໄສຮູບພາບຂອງອຸປະກອນການກິລາ, ຜູ້ເຂົ້າແຂ່ງຂັນຕ້ອງບອກຊື່ຂອງກິລາວ່າແມ່ນກິລາປະເພດໃດ, ພາກທີ3 ກ່ຽວຂ້ອງກັບເຫດການປະຫວັດສາດດ້ານກິລາ ແລະ ພາກສຸດທ້າຍ ແມ່ນໃຫ້ຊອກຫາຊື່ຂອງຜູ້ຊະນະເລີດໃນການແຂ່ງຂັນ.

ຜ່ານການແຂ່ງຂັນຫລິ້ນເກມດັ່ງກ່າວຜູ້ຊະນະໄດ້ແກ່ທ້າວ ເກດອໍາພອນ ໄຊຍະຈັກ ນັກສຶກສາປີ 2 ຈາກຄະນະວິທະຍາສາດການສຶກສາຂອງວິທະຍາ ໄລແຫ່ງຊາດລາວ, ລາງວັນທີ 2 ໄດ້ແກ່ນາງ ມາລິສາ ແສງຈັນສຸລິຍາ ນັກສຶກສາປີ 3 ຈາກຄະນະເສດຖະສາດ ແລະ ການຄຸ້ມຄອງມະຫາວິທະ ຍາໄລແຫ່ງຊາດ ແລະ ລາງວັນທີ 3 ໄດ້ແກ່ທ້າວສັກ ດາ ບົວສີ ນັກສຶກສາປີ 4 ຈາກວິທະຍາໄລຄູປາກເຊ.

 

ຂ່າວຈາກ: laophatthananewspaper

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...