ຟລອຍ ເມເວດເທີ ຈູເນຍ ສຸດຍອດກໍາປັ້ນຊາວອາເມຣິກາ ເອົາຊະນະ ມາກອສ ໄມດານາ ຈາກອາກຊັງຕິນ ດ້ວຍຄະແນນຢ່າງບໍ່ເປັນເອກະສັນປ້ອງກັນແຊັມຮຸ່ນ ເວລເຕີເວດ ໄດ້ສໍາເລັດ ເຮັດໃຫ້ປະກາດພ້ອມຂໍດວນອີກຄັ້ງ ເພື່ອໃຫ້ຫາຍຂ້ອງໃຈ ໃນການດວນກໍາປັ້ນທີ່ ເອັມຈີເອັມ ແກຣນ ໂຮເຕລ ແອນ ຄາສິໂນ ລາສ ເວກັສ ສະຫະລັດອາເມຣິກາ ເມື່ອວັນທີ 3 ພຶດສະພາທີ່ຜ່ານມາ.
ຟລອຍ ນັກມວຍຊາວອາເມຣິກາ ຂຶ້ນສັງວຽນ 45 ຄັ້ງຊະນະລວດ ເຈົ້າຂອງສາຍແອວ 5 ຮຸ່ນ ຂຶ້ນປ້ອງກັນແຊັມລຸ້ນ ເວລເຕີເວດ ຂອງສະພາມວຍໂລກ (ດັບເບິລຢູບີຊີ) ແລະ ແມັກກາຊິນ “ເດິຣິງ” ລວມເຖິງ ສະມາຄົມມວຍໂລກ (ດັບເບິລຢູບີເອ) ພົບກັບຜູ້ທ້າຊີງຢ່າງ ມາກອສ ໄມດານາ ຈາກອາກຊັງຕິນ ເຈົ້າຂອງສະຖິຕິຂຶ້ນສັງວຽນ 38 ຄັ້ງ, ຊະນະ 35 ແລະ ຊະນະນ໊ອກເຖິງ 31 ຄັ້ງ.
ໄລຍະ 2 ຍົກທຳອິດກອງເຊຍຕ້ອງລຸ້ນຢ່າງໜັກ ເມື່ອ ໄມດານາ ເດີນໜ້າແບບບໍ່ຢ້ານໝົດແຮງອອກໝັດເປັນຊຸດໆ ແຕ່ໝັດທີ່ປ່ອຍອອກສ່ວນໃຫຍ່ບໍ່ຄ່ອຍແຮງປານໃດ. ຈາກນັ້ນ, ຟລອຍ ແກ້ມືເນັ້ນປ່ອຍໝັດຂວາ ຈົນກະທັ້ງຍົກທີ 4 ປ່ອຍໝັດເຂົ້າໜ້າຊ້າຊີງຈົນຄິ້ວຂວາແຕກ ແຕ່ບໍ່ມີບັນຫາຊົກກັນຕໍ່ໄປ ຜ່ານເຄິ່ງທາງຄູ່ຕໍ່ສູ້ຈາກອາກຊັງຕິນມີຮອຍຊໍ້າຢ່າງເຫັນໄດ້ຊັດເຮັດໃຫ້ ຟລອຍ ຄຸມສະຖານະການໄດ້ໝົດ.
3 ຍົກສຸດທ້າຍ ຟລອຍ ຕີຕາມຮູບແບບດ້ວຍການອອກໝັດແຢັບຫຼອກລໍ້ ພ້ອມອາໄສຈັງຫວະອອກໝັດຂວາຢ່າງຕໍ່ເນື່ອງ ເຂົ້າສູ່ຍົກທີ 12 ໄມດານາ ຮຶດສູ້ສຸດທ້າຍແບບບໍ່ມີຫຍັງຈະເສຍເດີນໜ້າຕີຢ່າງບໍ່ຢັ້ງ ແຕ່ບໍ່ເຮັດຫຍັງໃຫ້ ຟລອຍ ໄດ້ຄົບ 12 ຍົກກຳມະການປະກາດໃຫ້ ຟລອຍ ຊະນະແບບບໍ່ເອກະສັນກັນ 114-114, 117-111 ແລະ 116-112.
ທາງດ້ານ ໄມດານາ ເຜີຍຢ່າງພໍໃຈວ່າ: “ເປັນໄຟທ໌ທີ່ສຸດມັນ, ຂ້ອຍພໍໃຈຜົນງານຂອງຕົວເອງບາງຄັ້ງອາດຈະເໜືອກວ່າດ້ວຍຊໍ້າ ແຕ່ດ້ານ ຟລອຍ ນັ້ນສຸດຍອດຢູ່ແລ້ວ, ກໍ່ຢາກລ້າງຕາຄືກັນຍິນດີ ແລະ ພ້ອມສະເໝີ”.