Vivo ຜູ້ຜະລິດສະມາດໂຟນຈາກປະເທດຈີນ ໄດ້ເປີດໂຕສະມາດໂຟນລຸ້ນໃໝ່ທີ່ມາພ້ອມກັບສະເປັກທີ່ເປັນຕາສົນໃຈແລະທີ່ສຳຄັນຍັງມາພ້ອມກັບລະບົົບສຽງຄຸນນະພາບ ນັ້ນກໍຄື vivo X6S ແລະ X6S Plus (ລືມບອກ 55+ ມາພ້ອມກັບການອອກແບບທີ່ເຮົາຄຸ້ນເຄີຍກັນດີ)
Vivo X6S
X6S ແມ່ນມາພ້ອມກັບຈໍ Super AMOLED, ຂະໜາດ 5.2 ນິ້ວ, ຄວາມລະອຽດ 1080×1920 ພິກເຊວ (FHD). ໃຊ້ງານຊິບປະມວນຜົນ Qualcomm Snapdragon 652 8976 ມີທັງໝົດ 8 ຄໍ (4 ຄໍ Cortex A72 ຄວາມໄວ 1.8 GHz ແລະ 4 ຄໍ Cortex A53 ຄວາມໄວ 1.2 GHz) ແລະໃຊ້ງານຊິບປະມວນຜົນກຣາບຟິກ Adreno 510
ໃນດ້ານຂອງໜ່ວຍຄວາມຈຳແມ່ນ ROM 64 GB ແລະ RAM 4GB. ໃຊ້ງານລະບົບ Android 5.1 Lollipop. ກ້ອງຫຼັງຄວາມລະອຽດ 13 ລ້ານພິກເຊວ, PDAF, f/2.2 ແລະກ້ອງໜ້າຄວາມລະອຽດ 8 ລ້ານພິກເຊວ. ສ່ວນທີ່ສຳຄັນທີ່ສຸດກໍຄືສະມາດໂຟນລຸ້ນນີ້ແມ່ນມາພ້ອມກັບລະບົົບສຽງ AKM 4375 32 ບິດ DAC (ຍັງບໍ່ເຄີຍລອງວ່າສຽງດີແນວໃດແຕ່ຫຼາຍຄົນບອກວ່າສຽງດີ)
ໂຕເຄື່ອງນັ້ນມີຂະໜາດຢູ່ທີ່ 147.9 x 73.75 x 6.56 ມມ ແລະໜັກປະມານ 140 ກຣາມ ແລະແບັດເຕີຣີໃຫ້ມາ 2400 mAh. ມີລະບົບສະແກນລາຍນິ້ວມືທີ່ດ້ານຫຼັັງໂຕເຄື່ອງ. ສຳລັບລາຄາຂອງໂຕເຄື່ອງແມ່ນ 2598 ຢວນ (3.308.000 ກີບ), ສ່ວນກຳນົດວາງຈຳໜ່າຍນັ້ນແມ່ນວັນທີ 5 ເມສານີ້
Vivo X6S Plus
X6S Plus ແມ່ນມາພ້ອມກັບຈໍ Super AMOLED, ຂະໜາດ 5.7 ນິ້ວ, ຄວາມລະອຽດ 1080×1920 ພິກເຊວ (FHD). ໃຊ້ງານຊິບປະມວນຜົນ Qualcomm Snapdragon 652 8976 ມີທັງໝົດ 8 ຄໍ (4 ຄໍ Cortex A72 ຄວາມໄວ 1.8 GHz ແລະ 4 ຄໍ Cortex A53 ຄວາມໄວ 1.2 GHz) ແລະໃຊ້ງານຊິບປະມວນຜົນກຣາບຟິກ Adreno 510
ໃນດ້ານຂອງໜ່ວຍຄວາມຈຳແມ່ນ ROM 64 GB ແລະ RAM 4GB. ໃຊ້ງານລະບົບ Android 5.1 Lollipop. ກ້ອງຫຼັງຄວາມລະອຽດ 16 ລ້ານພິກເຊວ, PDAF, f/2.0, ຮອງຮັບລະບົບກວດຈັບໂຟກັດອັດຕະໂນມັດ ອີກທັງຍັງມີຄວາມໄວເຖິງ 0.6 ວິນາທີເລິຍ ແລະ ກ້ອງໜ້າຄວາມລະອຽດ 8 ລ້ານພິກເຊວ.
ອີກທັງຍັງມາພ້ອມກັບລະບົບສຽງ ES9028 DAC ພາຍໃນເປັນຊິບສຽງ YAMAHA YSS-205X (ໃຊ້ໂຕດຽວກັນກັັບ vivo X5Max) ເຊິ່ງໄດ້ຮັບການຢືນຢັນແລ້ວວ່າຄຸນນະພາບສຽງທີ່ອອກມານັັ້ນຖືວ່າດີຫຼາຍ
ໂຕເຄື່ອງນັ້ນມີຂະໜາດຢູ່ທີ່ 158.4 x 80.1 x 6.85 ມມ ແລະໜັກປະມານ 172 ກຣາມ ແລະແບັດເຕີຣີໃຫ້ມາ 3000 mAh. ມີລະບົບສະແກນລາຍນິ້ວມືທີ່ດ້ານຫຼັັງໂຕເຄື່ອງ. ສຳລັບລາຄາຂອງໂຕເຄື່ອງແມ່ນ 2998 ຢວນ (3.817.000 ກີບ), ສ່ວນກຳນົດວາງຈຳໜ່າຍໜ້າຈະເປັນວັນທີ 5 ເມສານີ້
