ສຳນັກຂ່າວຕ່າງປະເທດ ລາຍງານໃນວັນທີ 30 ມີນາຜ່ານມານີ້ວ່າ ທ່ານ ຖິ່ນຈໍ ປະທານາທິບໍດີມຽນມາຜູ້ໃໝ່ ພ້ອມດ້ວຍ ທ່ານ ມິນສ່ວຍ ຮອງປະທານາທິບໍດີຄົນທີ 1 ແລະ ທ່ານ ເຮນຣີ ວັນທຽວ ຮອງປະທານາທິບໍດີຄົນທີ 2 ໄດ້ເຂົ້າຮ່ວມພິທີສາບານຕົນເຂົ້າຮັບຕຳແໜ່ງ ທີ່ອາຄານລັດຖະສະພາມຽນມາ ນະຄອນຫລວງເນປີດໍ ໂດຍໃນພິທີດັ່ງກ່າວ ທັງສາມທ່ານໄດ້ຢືນຖືລັດຖະທຳມະນູນໄວ້ໃນມື ແລ້ວກ່າວຄຳສາບານຕົນພ້ອມໆກັນ ຕາມປະທານລັດຖະສະພາວ່າ ຈະຈົງຮັກພັກດີຕໍ່ສະຫະພາບສາທາລະນະລັດມຽນມາ ແລະ ຈະບໍ່ແບ່ງແຍກຄວາມເປັນສະຫະພາບ ຄວາມສາມັກຄີຂອງຊາດ ແລະ ຈະຮັກສາໄວ້ຊຶ່ງອຳນາດອະທິປະໄຕ ເປັນເປັນສິ່ງສຳຄັນໄວ້.