ຮູບຮ່າງຂອງບາຕ ທີ່ຂຸດຄົ້ນພົບທີ່ ພຣະຣາຊວັງກະບິລລະພັສ (ຄ້າຍໆບາຕ) ເມື່ອວັນທີ 26/03/2016
ເມື່ອເວລາ 13.20 ໂມງ ໄດ້ມີການຂຸດຄົ້ນພົບວັດຖຸດິນເຜົາຄ້າຍຄືບາຕ ແລະເມື່ອເວລາ 11.40 ໂມງ ຂອງວັນທີ 26 ມີນາ 2016 ໃນມື້ດຽວກັນ ກຳມະກອນຂອງວັດພຣະຣາຊວັງກະບິລລະພັສ ປະເທດເນປານ ໄດ້ຂຸດພົບ ແຜ່ນດິນຈີ່ບູຮານ ພາຍໃນບໍລິເວນ ພື້ນທີ່ຂຸດເປັນບໍລິເວນທີ່ຈະສ້າງກຸຕິສົງ ແລະຍັງພົບເຄື່ອງປັ້ນດິນເຜົາໃນສະໄຫມກ່ອນ ແລະເຊື່ອວ່າໃນບໍລິເວນສ້າງວັດນີ້ອາດເປັນເຂດພຣະຣາຊວັງກະບິລພັສມາກ່ອນ ທາງວັດຈຶ່ງໄດ້ຈັດເກັບຮັກສາໄວ້ກັບເຄື່ອງບູຮານອື່ນໆທີ່ຂຸດພົບກ່ອນຫນ້ານີ້ ເພື່ອເປັນຫລັກຖານໃນການຮຽນຮູ້ໃຫ້ແກ່ຜູ້ມາສະແຫວງບຸນທັງຫລາຍ .
ເມືອງກະບິລລະພັສ ນັ້ນເປັນເມືອງເກົ່າບູຮານ ທີມີປະຫວັດຄວາມເປັນມາທີ່ດົນນານ ຕັ້ງແຕ່ກ່ອນສະໄຫມພຸທທະການ ( ເກີດຂຶ້ນມາກ່ອນພຣະພຸທທະເຈົ້າ) ມີການສ້າງຂຶ້ນໂດຍຕົ້ນຕະກຸນຂອງພຣະພຸທທະເຈົ້າ ຄືສ້າງໂດຍຕະກຸນສາກະຍະ ເຊິ່ງເປັນພຣະຣາຊຕະກຸນຂອງພຣະພຸທທະເຈົ້າ ທີ່ໄດ້ກໍ່ສ້າງມາແລ້ວ ກໍ່ຈະເຣິນຮຸ່ງເຮືອງ ຕະຫລອດມາເລື່ອຍໆ ແລະມາຈະເຣິນຮຸ່ງເຮືອງສູງສຸດກໍ່ຄືໃນໄລຍະ ທີ່ພຣະເຈົ້າສຸທໂທທະນະ ເປັນກະສັດ ເພາະເປັນໄລຍະທີ່ ເຈົ້າຊາຍສິທທັຕຖະໂພທິສັຕ ໄດ້ອາໄສຢູ່ ເພາະພຣະເຈົ້າສຸທໂທທະນະໄດ້ປະຕິວັດເມືອງຄັ້ງຍິ່ງໃຫຍ່ ເພື່ອໃຫ້ມະຫານະຄອນກະບິລພັສ ມີຄວາມງົດງາມ ຍິ່ງໃຫຍ່ ອຸດົມສົມບູນ ເພື່ອເຮັດໃຫ້ເປັນເຄື່ອງຍຶດໝັ້ນເພື່ອໃຫ້ຈິຕໃຈຂອງເຈົ້າຊາຍສິທທັຕຖະ ບໍ່ໃຫ້ມີຈິຕຄິດຈະອອກບວດ ນະຄອນກະບິລລະພັສຈຶ່ງຈະເຣິນຮຸ່ງເຮືອງທີ່ສຸດໃນຍຸກນັ້ນ .
ພາບແລະຂໍ້ມູນ ໂດຍ : ພຣະກ້າວ ປຸນຍາທິໂປ ວັດພຣະຣາຊວັງ ເນປານ
ແຫລ່ງຂ່າວຈາກ: Art and Culture of Laos