spot_img
Home​ຂ່າວທ່ອງທ່ຽວຫໍໄຕປີດົກໃບລານບູຮານອາຍຸ 300 ປີ ທີ່ສະຫວັນນະເຂດ

ຫໍໄຕປີດົກໃບລານບູຮານອາຍຸ 300 ປີ ທີ່ສະຫວັນນະເຂດ

Published on

 

ທ່ອງທ່ຽວກັບລາວໂພສຕ໌ວັນນີ້ ເຮົາຈະພາທຸກທ່ານມາທ່ຽວ ຫໍໄຕປີດົກບູຮານອາຍຸ 300 ປີ ທີ່ແຂວງສະຫວັນນະເຂດ ເຊິ່ງເປັນແຂວງທີ່ໃຫຍ່ອັນດັບສອງຂອງປະເທດທາງດ້ານເສດຖະກິດ ເຊິ່ງມີເນື້ອທີ່ເຖິງ 22,080 ກິໂລຕາແມັດ.

ສະຫວັນນະເຂດມີແຫລ່ງທ່ອງທ່ຽວຫຼາຍແຫ່ງທີ່ສວຍງາມ ເຊັ່ນ: ພະທາດອິງຮັງ, ວັດໄຊຍະພູມ ພິພິຕະພັນວິທະຍາສາດໄດໂນເສົາ, ໜອງຫລົ່ມ, ປ່າສະຫງວນດົງນາຕາດ, ແຫລ່ງຂຸດຄົ້ນກະດູກໄດໂນເສົາ, ພູຊ້າງແຫ່, ແກ່ງຫຼວງພ້ອມຮອຍຕີນໄດໂນເສົາ, ປ່າສະຫງວນແຫ່ງຊາດດົງພູວຽງ, ແກ່ງສາມມັດແຕກ, ເສັ້ນທາງໂຮຈີມິນ, ຕາດສະແລັນ, ຫໍໄຕວັດໜອງລຳຈັນ, ໜອງຫຼວງປາຝາ, ດົງລີງ, ທາດອຸບມຸງ-ລະຫາໂຄກ. ທາດເຮືອນຫີນ, ທາດໂຜ່ນ.

ແຂວງສະຫວັນນະເຂດ ເປັນແຫລ່ງກຳເນີດຂອງສີລະປະວັດທະນະທຳທີ່ສຳຄັນຂອງຊົນເຜົ່າພູໄທ ການຂັບລຳຄອນສະຫວັນໜຶ່ງໃນສື່ການຂັບລຳຂອງສະຫວັນນະເຂດ ຫຼັກຖານທາງສີລະປະວັດທະນະທຳອິດຢ່າງໜຶ່ງຄື ຫໍໄຕປີດົກ ທີ່ວັດຈັນທະສາໂລ ຫຼື ເອີ້ນວ່າວັດໜອງລຳຈັນ  

ຫໍໄຕປີດົກຕັ້ງຢູ່ເມືອງຈຳພອນ ແຂວງສະຫວັນນະເຂດ ອອກຈາກຕົວເມືອງສະຫວັນໄປທາງຫຼັກ 35

ຫໍໄຕປີດົກເປັນເຮືອນສາລາຕັ້ງຢູ່ກາງນ້ຳ ເປັນສະຖາປັດຕະຍາກຳເຄື່ອງໄມ້ທັງໝົດ ເຊິ່ງສະທ້ອນໃຫ້ເຫັນສີມືຊ່າງລ້ານຊ້າງໃນອະດີດ ເປັນບ່ອນທີ່ເກັບຮວບຮວມໜັງສືໃບລານເກົ່າແກ່ທີ່ສຳຄັນ ເຊິ່ງໜັງສືມີອາຍຸ ປະມານ 300 ປີ ແລະ ຫໍໄຕປີດົກແຫ່ງນີ້ມີອາຍຸການສ້າງເຖິງ 200 ກ່ວາປີ

ຫາກທ່ານໃດທີ່ມາທ່ຽວສະຫວັນນະເຂດ ກໍ່ຢ່າພາດທີ່ຈະມາທ່ຽວຊົມສະຖານທີ່ອັນສັກສິດ ແລະ ມີຮ່ອງຮອຍປະຫວັດສາດທາງດ້ານປັດຕະຍາກຳອັນເກົ່າແກ່ນີ້.

ໝາຍເຫດ: ວິດີໂອນີ້ໃຫ້ສຽງເປັນພາສາໄປ ເພື່ອເຮັດໃຫ້ທ່ານເຂົ້າໃຈດ້ານການສື່ສານ ແລະ ເຂົ້າໃຈເນື້ອຂອງການບັນລະຍາຍຫຼາຍຂຶ້ນ

https://youtu.be/4Wc4hqsTjAI

 

ຂຽນທ່ອງທ່ຽວໂດຍ: ລາວໂພສຕ໌. ຄອມ

ຂໍ້ມູນຈາກ: ເວັບໄຊ໌ ໄທສະຫວັນນະເຂດ.ຄອມ

ຮູບພາບຈາກ: ເວັບໄຊ໌ ຮັອດເຊຍ.ຄອມ

 

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...