spot_img
Homeວັນນະກຳເລື່ອງສັ້ນ"ຮອຍແຕກໃນແກ້ວ" ຕ້ອງອ່ານໃຫ້ໄດ້ເດີ້...ເພາະມັນເປັນເລື່ອງຈິງ

“ຮອຍແຕກໃນແກ້ວ” ຕ້ອງອ່ານໃຫ້ໄດ້ເດີ້…ເພາະມັນເປັນເລື່ອງຈິງ

Published on

ocean-glass-aekwnam-run-new-york-b07807-aephkh-6-aib-3151-781634-1-product

“ຮອຍແຕກໃນແກ້ວ”

ຢາພໍ່ຊາ ຍົກຈອງແກ້ວຂຶ້ນ ແລ້ວຖາມອາຈານພອນວ່າ “ເຈົ້າເຫັນຮອຍແຕກໃນຈອກໜ່ວຍນີ້ບໍ່ ພອນວັງໂສ?”

ອາຈານພອນຄິດໃນໃຈວ່າ “ຈອກກໍ່ເບິ່ງປົກກະຕິດີ ບໍ່ມີຮອຍແຕກເລີຍ”

ຢາພໍ່ຊາເວົ້າຕໍ່ອີກວ່າ “ເບິ່ງໃຫ້ດີໆ ມັນມີຮອຍລ້າວນ້ອຍໆ ໃນຈອກໜ່ວຍນີ້ ແລ້ວວັນໜຶ່ງມັນກໍ່ຈະຕ້ອງແຕກ”

ໃນຕົວເຮົາທຸກຄົນລ້ວນແຕ່ມີຮອຍລ້າວນ້ອຍໆ ນັບຕັ້ງແຕ່ຮັບເກີດມັນບອກໃຫ້ຮູ້ວ່າ ວັນໜຶ່ງ ຊີວິດຂອງເຮົາທຸກຄົນຕ້ອງຈົບສິ້ນລົງ ມັນຈະຈົບແນ່ນອນ ເຮົາຮູ້ດີ ແຕ່ເພາະເຮົາຖືກອະວິຊາຄອບງຳເອົາໄວ້ ເຮັດໃຫ້ເຮົາບໍ່ໄດ້ຄິດເຖິງມັນ.

ວັນໜຶ່ງເຮົາຕ້ອງຈາກກັນ ຄວາມຈິງຂໍ້ນີ້ ທີ່ພຣະບອກເພື່ອຢາກໃຫ້ເຮົາມີສະຕິ ບໍ່ໄດ້ບອກໃຫ້ເຮົາຢ້ານ ຫຼື ຄິດວ່າ ຂ້ອຍຈະບໍ່ຮັກໃຜອີກແລ້ວ! ເພື່ອທີ່ຂ້ອຍບໍ່ຕ້ອງເສຍໃຈ ຕອນຂ້ອຍຕ້ອງສູນເສຍເຂົາ ຫຼື ຈາກເຂົາໄປ.

ແຕ່ທ່ານບອກເພື່ອເົຮາຈະໄດ້ຮູ້ທັນ ຄວາມຈິງຂອງໂລກ ແລະ ຊີວິດ ວ່າ ທຸກສິ່ງທີ່ຢູ່ຕອນນີ້ມັນບໍ່ພຽງມັນຈະປ່ຽນແປງ

ເພາະສະນັ້ນ ຖ້າເຮົາຮູ້ວ່າ ມັນຈະບໍ່ຢູ່ກັບເຮົາຊົ່ວນິລັນ ເວລາຂອງເຮົາມີຈຳກັດ ເຮົາຈະໄດ້ມີທ່າທີທີ່ຖືກຕ້ອງກັບສິ່ງທີ່ເຮົາມີຢູ່ ເວລານີ້ ເຮົາຈະມີເມດຕາຕໍ່ຄົນທີ່ຢູ່ຮ່ວມກັບເຮົາທຸກໆວັນຫຼາຍຂຶ້ນ ເພາະເຮົາຈະຮູ້ວ່າ ເຮົາຈະຢູ່ນຳກັນແຕ່ຊ່ວງເວລາສັ້ນໆ.

ເຮົາຈະຢຸດຄວາມໃຈຮ້າຍ ຢຸດການທຳຮ້າຍ ຢຸດຄວາມເອົາຊະນະ ຢຸດການກົດດັນ ຫຼື ບັງຄັບໃຫ້ທຸກຢ່າງເປັນດັ່ງໃຈຂອງເຮົາ ເຮົາຈະໃຈເຢັນ ແລະ ຮັບຟັງຫຼາຍຂຶ້ນ ເຮົາຈະເຫັນອົກເຫັນໃຈ ເຂົ້າໃຈ ແລະ ໃຫ້ອະໄພຫຼາຍຂຶ້ນ.

ເພາະເຮົາຮູ້ວ່າເວລາເຮົາຢູ່ນຳກັນມັນໝົດລົງທຸກວັນ ເວລາມັນຕິດປີກ ແລະ ມື້ອື່ນ ອາດຈະບໍ່ມີອີກແລ້ວ ສຳລັບເຮົາ ເມື່ອເຖິງວັນທີ່ເຮົາຕ້ອງຈາກກັນ ເຮົາຈະໄດ້ບໍ່ຕ້ອງເສຍໃຈ ເປັນຫຍັງເຮົາຈິ່ງບໍ່ເຮັດດີຕໍ່ເຂົາ ເຮົາຈະເກັບແຕ່ຄວາມຊົງຈຳທີ່ດີຕໍ່ກັນ ເຫລືອໄວ້ໃຫ້ຄິດຮອດ ຍາມເມື່ອເຂົາ ຫຼື ເຮົາ ບໍ່ມີຕົວຕົນຢູ່ໃນໂລກໜ່ວຍນີ້ແລ້ວ.

ໃນວັນສຸດທ້າຍເຮົາຈະເຊັດນ້ຳຕາ ແລະ ເວົ້າກັບຕົວເອງວ່າ:

“ຂ້ອຍຮູ້ຢູ່ແລ້ວວ່າວັນນີ້ຕ້ອງມາຮອດ ‘ ເພາະຂ້ອຍເຫັນຮອຍລ້າວນ້ອຍໆໃນຈອກແກ້ວ’ ຕັ້ງແຕ່ທຳອິດຢູ່ແລ້ວ…”

ທຳມະຈາກ ຢາພໍ່ຊາ ສຸພັດໂທ ເລົ່າໂດຍ ທ່ານອາຈານພອນວັງໂສ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...