ຫຼຸຍ ຊົວ​ເຣດ ກອງ​ໜ້າ​ຂອງ ບາ​ເຊ​ໂລ​ນາ ອອກ​ມາ​ຢືນ­ຢັນ​ກ່ອນ​ໜ້າ​ນີ້​ເກມ​ບານ​ໂລກ 2018 ຮອບ​ຂັດ​ເລືອກ ເຂດ​ອາ­ເມ­ລິ­ກາ​ໃຕ້ ທີ່​ຈະ​ບຸກ​ໄປ​ຢຽມ ບຣາ​ຊິນ ວັນ​ສຸກ 25 ມີ­ນາ​ນີ້​ວ່າ ຈະ​ບໍ່​ປ່ຽນ​ຮູບ​ແບບ​ໃນ​ການ​ຫຼິ້ນ​ຂອງ​ຕົນ​ເຖິງ​ວ່າ​ຈະ​ພົ້ນ​ໂທດ​ກໍ່​ຕາມ.

ອະ​ດິດ​ດາວ​ຍິງ ລີ​ເວີ​ພູ ທີ່​ຫາ­ກໍ່​ພົ້ນ​ໂທດ​ຈາກ​ເກມ​ທີມ​ຊາດ 9 ນັດ ຄະ­ດີ​ໄລ່​ກັດ ຈໍ​ໂຈ້ ຄິ​ເອ ລ​ລິ​ນີ ກອງ​ຫຼັງ​ທີມ ອິ​ຕາ​ລີ ໃນ​ການ​ແຂ່ງ­ຂັນ​ບານ​ໂລກ 2014 ກ່າວ​ວ່າ ຕົນ​ເອງ​ຈະ​ມີ​ນິດ​ໃສ​ແບບ​ເດີມ​ຕົນ​ເອງ​ຍັງ​ຈະ​ແລ່ນ,ກົດ​ດັນ​ເພາະ​ຈະ​ບໍ່​ມີ​ໃຜ​ປ່ຽນ​ຮູບ​ແບບ​ໃນ​ການ​ຫຼິ້ນ​ຂອງ​ຕົນ​ໄດ້​ແຕ່​ລາວ​ຈະ​ເຮັດ​ແບບ​ເໝາະ​ສົມ​ຄື​ກັນ​ກັບ​ທີ່​ກຳ­ລັງ​ເຮັດ​ໃນ ບາ​ເຊ​ໂລ​ນາ ເວ­ລາ​ນີ້​ໃຊ້​ຫົວ­ຄິດ​ໃນ​ການ​ເຮັດ​ສິ່ງ​ຕ່າງໆ​ຫຼາຍ​ຂຶ້ນ ພະ­ຍາ­ຍາມ​ໃຫ້​ປະ­ໂຫຍດ​ຈາກ​ສະ­ຖາ­ນະ​ການ​ໃນ​ຊີ­ວິດ​ທີ່­ຢູ່​ທາງ​ໜ້າ​ຕົນ​ເອງ​ພຽງ​ສິງ​ດຽວ​ທີ່​ຕົນ​ເອງ​ຕອງ​ການ​ທີ່​ຈະ​ເຮັດ​ຄື​ການ​ລົງ​ຫຼິ້ນ​ໃຫ້​ທີມ​ຊາດ​ອີກ ແລະ​ມີ​ຄວາມ­ສຸກ​ກັບ​ຄວາມ​ອົບ​ອຸ່ນ​ຈາກ​ແຟນ​ບານ.