ມຽນມາເນຊັນແນລແອລາຍ(MNA) ໄດ້ຮັບເຮືອບິນໂດຍສານໂບອິ້ງ 737-800 ສາມລຳທຳອິດ
ຈາກທັງໝົດ 10 ຕາມຂໍ້ຕົກລົງການເຊົາອາກາດສະຍານກັບບໍລິສັດຈີອີແຄປິຕັລເອວິເອຊັ່ນເຊີວິສ(GECAS) ໃນຕົ້ນປີ 2014 ລະຫວ່າງການສະແດງການບິນຢູ່ສິງກະໂປ.
ຕາມຂ່າວຕ່າງປະເທດລາຍງານວ່າ: ທັງໝົດເປັນ 3 ລຳທຳອິດໃນຈຳນວນ 10 ລຳຈາກ GECAS ຕາມສັນຍາທີ່ສັ່ງຈາກບໍລິສັດໂບອິ້ງ ສ່ວນ 7 ລຳທີ່ເຫຼືອຈະຄ່ອຍໆສົ່ງມອບໄປຈົນເຖິງທ້າຍປີ 2020. ໃນເດືອນມີຖຸນາປີທີ່ຜ່ານມາ ໂບອິ້ງໄດ້ເຜີຍແພ່ພາບ 737800 NG ລຳທຳອິດ ໃນພິທີສົ່ງມອບເຮືອບິນລະຫວ່າງຕົວແທນຂອງສອງບໍລິສັດ ທີ່ຈັດຂຶ້ນຢູ່ອາເມລິກາ ທີ່ປະດັບດ້ວຍໂລໂກໃໝ່, ສີສັນ ແລະ ລວດລາຍໃໝ່ຂອງ MNA ແລະ ໂບອິ້ງກ່າວວ່າ ເປັນລຳທຳອິດທີ່ຕົກແຕ່ງພາຍໃນ, ໃນເດືອນສິງຫາປີ 2015 ສາຍການບິນແຫ່ງຊາດມຽນມາ ກໍໄດ້ຮັບມອບເຮືອບິນ ATR72600 ລຳທຳອິດຈາກຜູ້ຜະລິດໃນຝຣັ່ງ ພ້ອມກັບລວດລາຍໃໝ່ໃນເຮືອບິນຕາມແນວຄິດໃໝ່ເຊັ່ນດຽວກັນກັບ 737800 ລຳທຳອິດ ທັງໝົດເປັນໄປຕາມແຜນການຈັດຊື້ ແລະ ເຊົ່າເຮືອບິນຈາກທັງສອງ 2 ຄ່າຍ ຊຶ່ງຄ່ອຍໆສົ່ງມອບຈົນເຖິງປີ 2020 ໂດຍ ATR72600 ລຳດັ່ງກ່າວເປັນໜຶ່ງໃນ 6 ລຳທີ່ຈັດຊື້ຈາກຄ່າຍເອີຣົບມູນຄ່າລວມ 296 ລ້ານໂດລາສະຫະລັດ.
ຜູ້ບໍລິຫານ MNA ກ່າວກ່ອນໜ້ານີ້ວ່າ ATR72600 ຈະເຮັດໃຫ້ສາມາດຂະຫຍາຍບໍລິການອອກສູ່ຕະຫຼາດເພື່ອນບ້ານໄດ້ກວ້າງຍິ່ງຂຶ້ນ ຂະນະ 737800NG ແລະ 737MAX ຈາກອາເມລິກາ ຈະເຮັດໃຫ້ບິນສູ່ປາຍທາງແຫ່ງຕ່າງໆໃນພາກພື້ນໄດ້ ຊຶ່ງສິງກະໂປໄດ້ກາຍເປັນປາຍທາງທຳອິດ ປາຍທາງຕໍ່ໄປແມ່ນຮົງກົງ(ສປຈີນ), ໄຕ້ຫວັນ, ສ ເກົາຫຼີ ແລະ ຍີ່ປຸ່ນ. ຊຶ່ງຕະຫຼາດການບິນມຽນມາມີສັກກະຍະພາບສູງ ດ້ວຍຈຳນວນນັກທ່ອງທ່ຽວເດີນທາງເຂົ້າປະເທດປີ 2015 ປະມານ 4,68 ລ້ານຄົນເພີ່ມຂຶ້ນເຖິງ 52% ຈາກປີ 2014.
ແຫລ່ງຂ່າວຈາກ: 