ໃນຕອນເຊົ້າມື້ນີ້ ເວລາ 6:30 ວັນທີ 24 ມີນາ 2016 ມີເຫດການພົບເດັກນ້ອຍເກີດໃໝ່ ເປັນເພດຊາຍ ທີ່ມີຄວາມຜິດປົກກະຕິທາງຫົວຄືຫົວນ້ອຍ ແລະ ບໍ່ມີໜັງຫົວປົກຫຸ້ມກະໂຫລກຫົວ ເບື້ອງຕົ້ນແພດທີ່ໂຮງໝໍເມືອງ ປາກອູ ມີຄວາມກັງວົນຢ້ານວ່າເດັກນ້ອຍຄົນດັ່ງກ່າວມີຄວາມຜິດປົກກະຕິຍ້ອນຕິດເຊື້ອພະຍາດ Zicka ແຕ່ນີ້ມັນກໍ່ເປັນພຽງຂໍ້ສັນນິຖານຈາກແພດໃນໂຮງໝໍເທົ່ານັ້ນ ສ່ວນຂໍ້ເທັດຈິງນັ້ນເປັນແນວໃດ ຍັງຕ້ອງລໍຖ້າການພິສູດຈາກພາກສ່ວນທີ່ກ່ຽວຂ້ອງຢູ່.
ພະຍາດ Zicka ເຂົ້າສູ່ຮ່າງກາຍ ໂດຍຜ່ານຍຸງເປັນພາຫະນຳເຊື້ອ ເຊັ່ນກັບພະຍາດໄຂ້ຍຸງ ແລະ ໄຂ້ເລືອດອອກ ດັ່ງນັ້ນ, ການທຳລາຍແຫຼ່ງເພາະພັນຍຸງ ແລະການຮັກສາໂຕເອງບໍ່ໃຫ້ຍຸງກັດ ຈຶ່ງມີຄວາມຈຳເປັນແລະສຳຄັນຕໍ່ການຫຼີກລ້ຽງ ພະຍາດ Zicka ແລະ ໄຂ້ເລືອດອອກ.