ບັນດາເຈົ້າໜ້າທີ່ອິນເດຍ ກ່າວວ່າ ພວກກະບົດໄດ້ສັງຫານ 10 ຄົນທີ່ລັດອັສສຳ ໃນພາກຕາເວັນອອກສຽງເໜືອຂອງປະເທດ.
ພວກເຈົ້າໜ້າທີ່ ກ່າວວ່າ ການສັງຫານດັ່ງກ່າວ ໄດ້ເກີດຂື້ນຢູ່ສອງແຫ່ງຕ່າງກັນ ໃນຕອນແລງຂອງວັນພະຫັດວານນີ້.
ພວກກະບົດໄດ້ເປີດສາກຍິງໃສ່ເຮືອນຫລັງ ໃນເຂດເມືອງ Kokrajhar ເຮັດໃຫ້ມີຜູ້ເສຍຊີວິດເຈັດຄົນ.
ນອກນັ້ນ ພວກຫົວຮຸນແຮງ ຍັງສັງຫານອີກ 3 ຄົນ ໃນເຂດເມືອງ Daksa.
ບັນດາເຈົ້າໜ້າທີ່ ກ່າວວ່າ ພວກກະບົດຈາກກຸ່ມແນວໂຮມປະຊາທິປະໄຕແຫ່ງຊາດ Bodoland ເປັນຜູ້ຮັບຜິດຊອບຕໍ່ການໂຈມຕີຄັ້ງນີ້.
ຄວາມຄຽດຊັງ ແລະການກ່າວຫາວ່າ ລັກຂະໂມຍເອົາດິນດອນ ໄດ້ມີມາເປັນເວລາຊ້ານານ ໃນລັດອັສສຳ ລະຫວ່າງບັນດາສະມາຊິກ ປະຊາຄົມເຜົ່າ Bodo ແລະອີີກຫລາຍພັນຄົນ ທີ່ເປັນພວກເຂົ້າໄປຕັ້ງຖິ່ນຖານໃໝ່ ຊາວມຸສລິມຈາກບັງ ກລາແດັສ
ຫລາຍໆຄົນແມ່ນພາກັນມາຈາກ ອະດີດປາກິສຖານຕາເວັນອອກ ກ່ອນກາຍມາເປັນປະເທດບັງກລາແດັສ ໃນປີ 1971.