ພິທີປະກາດແຕ່ງຕັ້ງທ່ານ ບຸນຕີ ທະມິດ ເປັນຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ (ກວຕ) ຕື່ມຄົນໜຶ່ງ, ໄດ້ຈັດຂຶ້ນໃນວັນທີ 22 ມີນານີ້ທີ່ກະຊວງດັ່ງກ່າວ, ໂດຍການເຂົ້າຮ່ວມຂອງທ່ານສາດສະດາຈານ ດຣ ບໍ່ວຽງຄໍາ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ພ້ອມດ້ວຍບັນດາຄະນະນໍາອ້ອມຂ້າງກະຊວງດັ່ງກ່າວເຂົ້າຮ່ວມຢ່າງພ້ອມພຽງ, ເພື່ອປະຕິບັດຕາມດໍາລັດຂອງ ນາຍົກລັດຖະມົນຕີແຫ່ງ ສປປ ລາວ ແລະ ອີງຕາມຄວາມຮຽກຮ້ອງຕ້ອງການ ຂອງໜ້າທີ່ວຽກງານຂອງກະຊວງດັ່ງກ່າວໃນໄລຍະໃໝ່.
ໃນໂອກາດນີ້, ທ່ານລັດຖະມົນຕີກະຊວງ ກວຕ ໄດ້ໂອ້ລົມຊີ້ນໍາ ໃຫ້ຜູ້ໄດ້ຮັບແຕ່ງຕັ້ງເປັນຮອງລັດຖະມົນຕີໃໝ່ນີ້, ຈົ່ງເພີ່ມທະວີຄວາມເອົາໃຈໃສ່ ສ້າງຄວາມສາມັກຄີຮັກແພງໃນໝູ່ຄະນະຢ່າງໜັກແໜ້ນ, ພ້ອມທັງສຸມທຸກສະຕິປັນຍາ, ຄວາມຮູ້ຄວາມສາມາດ ແລະ ເຫື່ອແຮງ ເພື່ອປະກອບສ່ວນເຂົ້າໃນການພັດທະນາວຽກງານ ກວຕ ໃຫ້ກ້າວໜ້າ ແລະ ມີຜົນສໍາເລັດຂຶ້ນໄປເລື້ອຍໆ.
ແຫລ່ງຂ່າວ:
