ຈີນ​ລົງທຶນ​ສ້າງ​ໂຮງຮຽນເອ​ເວີ​ແກຣນ​ເຕາະ​ບານ​ໂດຍ​ຕັ້ງ​ຢູ່​ເຂດ​ຊົນນະບົດ​ມົນທົນ​ກວາງຕຸ້ງມີ​ເນື້ອ​ທີ່ 160 ​ເຮັກຕາໃນ​ໄລຍະ​ເວລາ 10 ​ເດືອນ​ດ້ວຍ​ມູນ​ຄ່າ 185 ລ້ານ​ໂດ​ລາ​ສະຫະລັດ ກາຍ​ເປັນ​ໂຮງຮຽນ​ນານາ​ຊາດບານເຕະ​ທີ່​ໃຫຍ່​ທີ່​ສຸດ​ໃນ​ໂລກ, ​ໂຮງຮຽນ​ແຫ່ງ​ນີ້​ມີ​ນັກຮຽນ​ຊາຍ​ທີ່​ຄັດ​ເລືອກ​ມາ​ຈາກ​ເດັກນ້ອຍ​ທົ່ວ​ປະ​ເທດ​ຈຳນວນ 2.600 ຄົນ ​ແລະ ຍິງ 200 ຄົນທັງ​ຍັງ​ຈ້າງ​ຄູ​ຊາວ​ແອັດ​ສະ​ປາຍ​ຈຳນວນ​ກວ່າ 20 ຄົນ​ມາ​ສອນ, ຊຶ່ງ​ຄ່າ​ຮຽນ​ເດັກນ້ອຍ​ທີ່​ມາ​ຮຽນ​ທີ່​ນີ້​ຕ້ອງ​ຈ່າຍ​ເງິນ​ປີ​ລະ 60 ພັນ​ຢວນ(9.200 ​ໂດ​ລາ​ສະຫະລັດ)ຕໍ່​ປີ ຊຶ່ງ​ເງິນ​ຈຳນວນ​ນີ້​ສູງ​ກວ່າ​ເງິນ​ອັດຕາ​ຄ່າ​ແຮງ​ງານ​ສະ​ເລ່ຍຂອງ​ຈີນ,ຍົກ​ເວັນ​ແຕ່​ວ່າ​ເປັນ​ເດັກນ້ອຍ​ທີ່​ເກັ່ງ​ຫຼາຍ​ຈຶ່ງ​ຈະ​ໄດ້​ທຶນ​ມາ​ຮຽນ ດັ່ງ​ນັ້ນ​ເດັກນັກຮຽນ​ສ່ວນ​ໃຫຍ່​ໃນ​ໂຮງຮຽນ​ແຫ່ງ​ນີ້​ມາ​ຈາກ​ຄອບຄົວ​ທີ່​ມີ​ຖານະ​ຮັ່ງມີ.

ນອກຈາກ​ໂຮງຮຽນ​ແຫ່ງ​ນີ້​ຈະ​ມີ​ສະໜາມບານເຕະຈຳນວນ​ຫຼາຍ​ແລ້ວ ບ່ອນ​ນີ້​ຍັງ​ມີ​ສະໜາມບານບ້ວງ, ​ເທ​ນນິສ, ອ່າງ​ລອຍ​ນ້ຳ, ​ໂຮງ​ຍິມ ​ແລະ ມີ​ໂຮງ​ຮູບ​ເງົາ, ຍັງ​ມີ​ແມ່ຄົວ​ປຸງ​ແຕ່ງ​ອາຫານ​ໃຫ້​ຖືກ​ຕາມ​ໂພ​ສະນາ​ການ​ສຳລັບ​ຜູ້​ຮຽນ​ກິລາ ສະ​ເພາະ​ຄ່າ​ຕັດ​ຫຍ້າ​ໂຮງຮຽນ​ຕໍ່​ປີ​ມີ​ມູນ​ຄ່າ 30 ລ້ານ​ໂດ​ລາ ​ທ່ານ ຫລິວ ຈຽງ​ນານ ອາຈານ​ໃຫຍ່​ຂອງ​ໂຮງຮຽນ​ລະບຸ​ວ່າ ​ເຊື່ອ​ວ່າ​ອີກ 4 ປີ ນັກ​​ກີລາບານເຕະ​ຈີນ​ຈະ​ພັດທະນາ​ກ້າວ​ໄກ ​ແລະ ​ເປັນ​ໜຶ່ງ​ຂອງ​ອາຊີ.

ແຫລ່ງຂ່າວຈາກ: