ໂຄງການ Brunei- U.S. English Language Enrichment ສໍາຫຼັບບັນດາປະເທດຢູ່ອາຊຽນ ປະກາດ ແຈ້ງການສະມັກທຶນ ການໄປຝຶກອົບຮົມ ຢູ່ປະເທດ ບຣູໄນ ແລະ ຣາວາຍ ປະເທດອາເມລິກາ ເປັນເວລາ 11 ອາທິດ . ລາຍລະອຽດ ການສະຫມັກ ອ່ານໄດ້ຂ້າງລຸ່ມນີ້. ປິດຮັບສະມັກ ວັນທີ 28/4/2016 !
ໂຄງການເພີ່ມທັກສະພາສາອັງກິດ ບຣູໄນ-ອາເມລິກາສຳລັບອາຊຽນເປີດຮັບສະຫມັກແລ້ວ. ໂຄງການນີ້ຈະດຳເນີນເປັນເວລາ 11 ອາທິດ ນັບຕັ້ງແຕ່ ທີ 5 ກັນຍາ ຫາ ທີ 19 ພະຈິກ 2016 ນີ້, ຄູອາຈານສອນພາສາອັງກິດ ແລະ ພະນັກງານລັດຖະກອນ ແລະ ນັກການທູດ ຈາກ 10 ປະເທດອາຊຽນ ຈະໄດ້ເສີມທັກສະການສື່ສານໂດຍໃຊ້ພະສາອັງກິດ ໂດຍການເຂົ້າສຶກສາທີ່ ມະຫາວິທະຍາໄລບຣູໄນດາຣຸສສະລຳ ເປັນເວລາ 7 ອາທິດ ແລະ ອີກ 4 ອາທິດ ແມ່ນຢູ່ທີ່ ສູນ East-West ທີ່ເມືອງ ຮໍນໍລູລູ. ນອກຈາກການພັດທະນາທັກສະທາງດ້ານພາສາແລ້ວ, ຜູ້ເຂົ້າຮ່ວມຍັງຈະໄດ້ແລກປ່ຽນກັນທາງດ້ານວັດທະນະທຳ ແລະ ສ້າງຄວາມສຳພັນ ແລະ ຄວາມເຄົາລົບເຊິ່ງກັນແລະກັນລະຫວ່າງຄົນໃນອາຊຽນ.
ຜູ້ສະໝັກຈະຕ້ອງຈົບການສຶກສາລະດັບປະລິນຍາຕີ, ເຮັດວຽກມາກ່ອນ 5 ປີ ແລະ ສາມາດນຳໃຊ້ພາສາອັງກິດໃນລະດັບທີ່ເໝາະສົມຕາມເອກະສານກ່ຽວກັບທຶນທີ່ http://bit.ly/1S7otOg.
ສະໝັກໂດຍສົ່ງຟອມໄປທີ່ສະຖານທູດບຣູໄນກ່ອນວັນທີ 28 ເມສານີ້ ພ້ອມດ້ວຍເອກະສານຢັ້ງຢືນໂດຍລັດຖະບານ.
ດາວໂຫລດຟອມທີ່: http://bit.ly/22owOp8
ອ່ານເພີ່ມທີ່: http://1.usa.gov/1R2VRFJ
ແຫລ່ງຂ່າວຈາກ: ສະຖານີ ຊາວໜຸ່ມລາວສິນໄຊຍຸກໃໝ່ FM 90.0 MHz