ບໍລິສັດອິອອນຈາກຍີ່ປຸ່ນໃກ້ບັນລຸຂໍ້ຕົກລົງໃນການຊື້ກິດຈະການຄ້າຍ່ອຍບິກຊີຢູ່ຫວຽດນາມ ຈາກບໍລິສັດຄາສິໂນຈາກຝຣັ່ງ.
ສຳນັກຂ່າວຕ່າງປະເທດລາຍງານວ່າ ອິນອອນກາຍເປັນຜູ້ທີ່ຈະຊະນະການປະມູນ ຫຼັງຈາກຍື່ນຂໍ້ສະເໜີມູນຄ່າຫຼາຍກວ່າ 800 ລ້ານໂດລາສະລັດ ແລະ ໜ້າຈະປະກາດຢ່າງເປັນທາງການໄດ້ພາຍໃນອາທິດນີ້ ຢ່າງໃດກໍຕາມ ຍັງມີຄວາມເປັນໄປໄດ້ທີ່ຈະບໍ່ຊະນະ ເພາະຍັງບໍ່ບັນລຸຂໍ້ຕົກລົງຂັ້ນສຸດທ້າຍ, ສ່ວນຜູ້ຢື່ນຂໍ້ສະເໜີມີຄື ລ໋ອດເຕຈາກ ສ.ເກົາຫຼີ, ເຊັນທຣັລ ກຣຸບຈາກໄທ ແລະ ທີຊີຊີ ໂຮລດິງທີ່ຫາກໍ່ຊື້ກິດຈະການບິກຊີຢູ່ໄທໃນເດືອນທີ່ຜ່ານມາດ້ວຍລາຄາ 3,1 ຕື້ເອີໂຣ.
ທັງນີ້ ໜີ້ທີ່ເພີ່ມສູງຂຶ້ນສົ່ງຜົນເຮັດໃຫ້ຄາສິໂນຕັດສິນໃຈຂາຍທຸລະກິດໃນອາເມລິກາລາຕິນ ແລະ ອາຊີ ຫັນໄປເຮັດທຸລະກິດໃນຝຣັ່ງ ຊຶ່ງເປັນຕະຫຼາດໃຫຍ່ສຸດຂອງຕົນຢ່າງເຕັມທີ່, ສ່ວນອິອອນ ປະຈຸບັນມີທັງຊຸບເປີມາເກັດກໍ່ຈະຊ່ວຍເພີ່ມທ່າແຮງໃນການບຸກຕະຫຼາດຄ້າຍ່ອຍຫວຽດນາມຫຼາຍຂຶ້ນ.