ທ່ານ ຣາຟາເອລ ກໍເຣອາ ປະທານາທິບໍດີຂອງເອກວາດໍແຈ້ງວ່າ ເຮືອບິນທະຫານລຳໜຶ່ງຕົກລົງກາງປາອາເມຊອນໃນວັນທີ 15 ມີນາທີ່ຜ່ານມາ ເຮັດໃຫ້ຜູ້ຢູ່ເທິງເຮືອບິນເສຍຊີວິດທັງໝົດ 22 ຄົນ.
ຜູ້ນຳເອກວາດໍແຈ້ງວ່າ ບໍ່ມີຜູ້ລອດຊີວິດຈາກເຮືອບິນຕົກດັ່ງກ່າວ ໃນເຮືອບິນມີທະຫານໂດດຈ້ອງ 19 ຄົນ, ນັກ ບິນ 2 ຄົນ ແລະ ຊ່າງເຮືອບິນ 1 ຄົນ ເຮືອບິນຕົກຢູ່ແຂວງປັສຕາຊາ ທາງຕາເວັນອອກຂອງປະເທດ ໃກ້ຊາຍແດນຕິດກັບເປຣູ, ທ່ານ ຣິກາໂດ ປາຕິໂນ ລັດຖະມົນຕີວ່າການກະຊວງປ້ອງກັນປະເທດແຈ້ງວ່າ ກຳລັງເດີນທາງໄປຍັງຈຸດເກີດເຫດ, ທຸກຄົນເສຍໃຈທີ່ເກີດຄວາມສູນເສຍດັ່ງກ່າວ ຂະນະທີ່ກອງທັບເປີດເຜີຍວ່າ ເຮືອບິນລຳນີ້ໄດ້ນຳທະຫານໄປຝຶກຊ້ອມໂດດຈ້ອງ, ຊຶ່ງນັກຮຽນທີ່ເດີນທາງໄປເຖິງທີ່ເກີດເຫດລະບຸວ່າ ເຮືອບິນເປເພໝົດລຳ ສ່ວນປີກແຕກກະແຈກກະຈາຍໄປທົ່ວບໍລິເວນ.
ກ່ອນໜ້ານີ້ໃນເດືອນມີນາປີກ່ອນ ເຮືອບິນໂຮງຮຽນກອງທັບອາກາດເອກວາດໍຕົກຢູ່ເມືອງຊາລິນາສ ນັກບິນເສຍຊີວິດ 2 ຄົນ ແລະ ນັບຕັ້ງແຕ່ປີ 2009 ເປັນຕົ້ນມາ ເຮືອບິນທະຫານເອກວາດໍປະສົບອຸບັດເຫດແລ້ວ 4 ເທື່ອ ໜຶ່ງໃນນັ້ນເປັນເຮືອບິນທີ່ຊື້ມາຈາກອິນເດຍ ມີຜູ້ເສຍຊີວິດ 3 ຄົນ.
ແຫລ່ງຂ່າວຈາກ: 