ອີງຕາມການເຊື້ອເຊີນຂອງ ສະຫະພັນບານເຕະກໍາປູເຈຍ ເຊິ່ງ ສະຫະພັນບານເຕະແຫ່ງຊາດລາວ ໄດ້ຕອບຮັບໃນການເຂົ້າຮ່ວມແຂ່ງຂັນບານເຕະນັດມິດຕະພາບ ລະຫວ່າງ CAMBODIA ALL STARS VS LAO PREMIER LEAGUE ALL STARS ເຊິ່ງຈະໄດ້ຈັດຂຶ້ນໃນວັນທີ 18 ມີນາ 2016 ເວລາ 18:30 ແຂ່ງຂັນຢູ່ທີສະຫນາມກິລາແຫ່ງຊາດປະເທດກຳປູເຈຍ ເພື່ອເປັນການສ້າງສາຍພົບພັນການທູດລະຫວ່າງລາວ ແລະ ກຳປູເຈຍ ຄົບຮອບ 60 ປີ
ເຊິ່ງປັດຈຸບັນນັກເຕັກທີມ LAO PREMIER LEAGUE ALL STARS ກຳລັງຝຶກຊ້ອມຢ່າງເຕັມທີ່ກ່ອນລົງແຂ່ງຕົວຈິງໃນວັນທີ 18/03/2016ທີ່ຈະມາເຖິງນີ້ ທີ່ ສະໜາມ ໂອລິມປິກ ນະຄອນຫຼວງ ພະນົມເປັນ ປະເທດກຳປູເຈຍ.
ສຳລັບການເດີນທາງແມ່ນຈະອອກເດີນທາງໃນວັນທີ 16 ມີນາ ແລະ ເດີນທາງກັບ ສປປລາວ ໃນວັນທີ 19 ມີນາ 2016 .
ອີງຕາມແຫລ່ງຂ່າວເບື້ອງຕົ້ນຈາກເຟສບຸ໊ກ: ສະຫະພັນບານເຕະແຫ່ງຊາດລາວ ແມ່ນບໍ່ໄດ້ແຈ້ງວ່ານັດນີ້ມີການຖ່າຍທອດສົດ.
ແຫລ່ງຂ່າວຈາກ: ສະຫະພັນບານເຕະແຫ່ງຊາດລາວ