ໃນຕອນເຊົ້າວັນທີ 13 ມີນາ 2016 ທີ່ຜ່ານມາ ຢູ່ທີ່ວັດໄຫຫີນມີໄຊຍະຣາມ ແຂວງຊຽງຂວາງ ໄດ້ມີພິທີ ປູກຕົ້ນຊາກູຣະ ໃນບໍລິເວນອ້ອມຮອບຂອງວັດ ເຊິ່ງໄດ້ມີການນຳແຂວງ ນໍາໂດຍທ່ານ ສາດສະດາຈານ ດຣ. ສົມກົດ ມັງໜໍ່ເມກ ແຂວງເຈົ້າແຂວງໆຊຽງຂວາງ ທ່ານ ອີໂມຣິ ດາອີຈິ ປະທານບໍລິຫານບໍລິສັດພັດທະນາກະສິກຳລາວ-ຍີປຸ່ນແຂວງຊຽງຂວາງຈຳກັດ ພ້ອມດ້ວຍພະນັກງານ ວິຊາການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມປູກ.
ຕົ້ນຊາກູຣະທີ່ນໍາມາປູກມີຈຳນວນ 1.500 ຕົ້ນ ໃນນັ້ນ ຈຳນວນ 1.000 ຕົ້ນ ແມ່ນຈະປູກຢູ່ວັດໄຫຫີນມີໄຊຍະຣາມ ແລະ ອີກ 500 ຕົ້ນ ແມ່ນປູກຢູ່ຟາມລ້ຽງງົວຂອງບໍລິສັດພັດທະນາກະສິກຳລາວ-ຍີປຸ່ນແຂວງຊຽງຂວາງຈຳກັດ ເຊິ່ງມີຊະນິດ ສີບົວ ແລະ ສີຂາວ ການປູກຕົ້ນຊາກູຣະໃນຄັ້ງນີ້ ເພື່ອເປັນສັນຍາລັກໃນການຮ່ວມມື ສາຍພົວພັນລະຫ່ວາງແຂວງຊຽງຂວາງ ແລະ ປະເທດຍີປຸ່ນ ໂດຍສະເພາະ ແຂວງຊຽງຂວາງ ກັບ ບໍລິສັດພັດທະນາກະສິກຳລາວ-ຍີປຸ່ນ ທີ່ບໍລິສັດໄດ້ສຸມທຶນຮອນຢ່າງຫຼວງຫຼາຍ ໃນການລ້ຽງງົວພັນຊີ້ນ-ພັນນົມ ປູກພັກອິນຊີ ແລະ ຈະສ້າງໂຮງງານຂ້າສັດ ຫ້ອງແລັບ ແລະ ອື່ນໆຢູ່ແຂວງຊຽງຂວາງ ໃນອະນາຄົດ ພະເຈົ້າອົງຫຼວງທີ່ວັດໄຫຫີນມີໄຊຍະຣາມ ຈະເປັນແຫຼ່ງທ່ອງທ່ຽວທີ່ງົດງາມ ທີ່ມີດອກຊາກຸຣະເບັ່ງບານໄປທົ່ວ.
ຂ່າວ/ພາບ: ບຸນມີ ແສງທຸມມີ
ແຫລ່ງຂ່າວຈາກ: ວິທະຍຸ-ໂທລະພາບນະຄອນຫຼວງ