ທີມນັກທໍ­ລະ­ນີ­ວິ­ທະ­ຍາໄດ້ຄົ້ນພົບຖ້ຳຂະ­ໜາດໃຫຍ່ ຊຶ່ງຊຸກເຊື່ອງຢູ່ເລິກລົງໄປໃຕ້ພື້​ດິນເຖິງ 420 ແມັດ ໂດຍພາຍໃນຖ້ຳປະ­ກອບມີ: ທະເລສາບ, ແມ່ນ້ຳ, ນ້ຳຕົກ, ໝູ່ຫີນຮູບ­ຊົງຕ່າງໆ, ພືດ, ປາ, ໂຕເຈຍ, ງູ ແລະ ສິ່ງມີຊີ­ວິດສາຍພັນອື່ນໆ ຖ້ຳ​ນ່າ​ຈະມີຄວາມຍາວຫຼາຍກວ່າ 16,5 ກິໂລແມັດ, ຊຶ່ງການຄົ້ນພົບຖ້ຳຂະ­ໜາດໃຫຍ່ແຫ່ງນີ້ ເກີດຂຶ້ນລະ­ຫວ່າງການເດີນ­ທາງ​ສຳຫຼວດ​ທຳມະຊາດເປັນເວ­ລາ 8 ມື້ ຂອງຄະ­ນະນັກທໍ­ລະ­ນີ­ວິ­ທະ­ຍາຊາວຈີນ ແລະ ຝຣັ່ງ ຊຶ່ງຮ່ວມ​ມືກັນເປັນເທື່ອທຳອິດໃນການບຸກເບີກຖ້ຳ 12 ແຫ່ງ ຕັ້ງແຕ່ທ້າຍເດືອນກຸມ­ພາຈົນເຖິງຕົ້ນເດືອນມີ­ນາທີ່ຜ່ານມາ.

ຖ້ຳແຫ່ງນີ້ຕັ້ງຢູ່ບ້ານຕົງຫຼັນ ເມືອງເຫີສື່ ມົນທົນກວ່າງ​ຊີທາງພາກໃຕ້ຂອງຈີນ ເປັນຊັ້ນຫີນປູນທີ່ຖືກ​ກັດເຊາະ ຈົນກາຍເປັນຂຸມບໍ່, ຖ້ຳ, ທາງນ້ຳ ແລະ ອື່ນໆ.