ໃນວັນທີ 14 ມີ­ນາວ່າ ກອງປະ­ຊຸມລັດ​ຖະ​ສະ­ພາສິງ​ກະໂປລົງ­ມະ­ຕິອະ­ນຸ­ມັດໃນວັນທີ່ 14 ມີ­ນາ ຮ່າງກົດ­ໝາຍຫ້າມຮ້ານຄ້າໂຊຢາ­ສູບ ໃນຄວາມພະ­ຍາ­ຍາມທີ່ຈະເພີ່ມຄວາມເຂັ້ມງວດໃນການຄວບຄຸມການສູບ­ຢາຢູ່ສິງ​ກະໂປ ຊຶ່ງເປັນໜຶ່ງໃນປະເທດ​ທີ່ມີອັດ­ຕາການສູບ­ຢາຕ່ຳສຸດໃນໂລກຢູ່ແລ້ວ, ຕາມກົດ­ໝາຍທີ່ຈະມີຜົນບັງ­ຄັບໃຊ້ນັບຕັ້ງແຕ່ປີ 2017 ເປັນຕົ້ນໄປ ຜູ້ຄ້າຂາຍຢາ­ສູບລາຍຍ່ອຍຈະຕ້ອງເກັບມ້ຽນຢາ­ສູບໃຫ້ຢູ່ນອກສາຍ­ຕາ ແລະ ຕ້ອງບໍ່ສະແດງໂຄ­ສະ­ນາໃດໆ​ກ່ຽວກັບຢາ­ສູບ, ການອະ­ນຸ­ມັດກົດ­ໝາຍໃນລັດ​ຖະ​ສະ­ພາ ເຮັດໃຫ້ສິງ​ກະໂປເຂົ້າຮ່ວມກຸ່ມກັບອົດສະ​ຕຣາ​ລີ, ການາດາ, ນູແວນເຊລັງ ແລະ ອັງ­ກິດ ທີ່ມີກົດ­ໝາຍຫ້າມໂຊຢາ­ສູບໃນຮ້ານຈຳ­ໜ່າຍ.ໃນມື້ດຽວກັນນີ້ ລັດ​ຖະ​ສະ­ພາສິງ​ກະໂປຍັງລົງ­ມະ­ຕິອະ­ນຸ­ມັດຫ້າມໂຄ­ສະ­ນາຢາ­ສູບທຸກຮູບແບບ ລວມ ທັງ​ການໂຄ­ສະ­ນາທາງອອນລາຍ, ການຫ້າມໂຊຍັງລວມເຖິງຢາ­ສູບໄຟ­ຟ້າ.

ນາງ ເອ​ມີ ຄໍ ລັດ­ຖະ­ມົນ­ຕີວ່າການກະຊວງສາ​ທາ​ລະ​ນະ​ສຸກສິງກະໂປກ່າວວ່າ ອັດ­ຕາການສູບ­ຢາໃນສິງ​ກະໂປຫຼຸດລົງຕ່ຳສຸດຢູ່ທີ່ 12,6%ໃນປີ 2004 ແຕ່ຫຼັງຈາກນັ້ນກໍ່ຄ່ອຍໆເພີ່ມສູງຂຶ້ນສູ່ 13,3% ໃນປີ 2013, ຊຶ່ງສິງ​ກະໂປເປັນໜຶ່ງໃນປະເທດທີ່ມີອັດ­ຕາການສູບ­ຢາຕ່ຳສຸດໃນໂລກ ຈາກຫຼາຍມາດຕະ­ການປະ­ສົມປະ­ສານຂອງລັດ­ຖະ­ບານ ລວມ ທັງການຂຶ້ນພາ­ສີຢາ­ສູບ, ຫ້າມຕີພິມ ແລະ ແພ່ພາບກະ­ຈາຍ­ສຽງໂຄ­ສະ­ນາ ແລະ ກົດ­ໝາຍເຂັ້ມງວດຫ້າມສູບ­ຢາໃນເກືອບທຸກພື້ນທີ່ຂອງປະເທດ.