spot_img
Homeຂ່າວພາຍ​ໃນເດີນແບບແຟເຊິນສົ່ງເສີມຫັດຖະກຳ ຜ້າຝ້າຍ-ໄໝລາວສູ່ສາກົນ

ເດີນແບບແຟເຊິນສົ່ງເສີມຫັດຖະກຳ ຜ້າຝ້າຍ-ໄໝລາວສູ່ສາກົນ

Published on

   ເມື່ອ​ຄ່ຳ​ຄືນ​ວັນ​ທີ 11-12 ມີ­ນາ 2016 ຜ່ານ​ມາ, ຫຼາຍ​ພາກ­ສ່ວນ​ຮ່ວມຈັດ​ງານ​ມະ­ຫາ​ກຳ​ການ​ກຸ­ສົນ​ຄັ້ງ​ທີ 1 ເພື່ອ​ສົ່ງ­ເສີມ​ຫັດ­ຖະ­ກຳ​ຜ້າ​ຝ້າຍ, ຜ້າ­ໄໝລາວ​ສູ່​ສາ­ກົນ​ໂດຍ​ເປັນ​ປະ­ທານ​ຮ່ວມຂອງ ທ່ານ ຄຳ​ປະ­ດິດ ເຂັມ​ມະ​ນິດ ຫົວໜ້າ​ພະ​ແນກ​ຖະ­ແຫຼງ​ຂ່າວ​ວັດ­ທະ­ນະ­ທຳ ແລະ​ທ່ອງ​ທ່ຽວ​ນະ­ຄອນ­ຫຼວງ​ວຽງ​ຈັນ ແລະ​ ທ່ານ ນາງ ຈັນ​ນະ­ພາ ວົງ​ສະ­ໝໍ​ລະພູມ ປະ­ທານ​ບໍ­ລິ­ສັດ CNP Group, ພ້ອມ​ດ້ວຍ​ຫຼາຍ​ພາກ­ສ່ວນ​ທີ່​ກ່ຽວ­ຂ້ອງເຂົ້າ​ຮ່ວມ.

    ທ່ານ ນາງ ຈັນ​ນະ­ພາ ວົງ​ສະ­ໝໍ​ລະພູມ ໄດ້​ກ່າວ​ວ່າ: ຈຸດ­ປະ­ສົງ​ຂອງ​ການ​ຈັດງານ​ມະ­ຫາ​ກຳ​ການ​ກຸ­ສົນ​ຄັ້ງ​ທີ 1 ນີ້ ກໍ ເພື່ອ​ສົ່ງ­ເສີມ​ຫັດ­ຖະ­ກຳ​ຜ້າ​ຝ້າຍ, ຜ້າ­ໄໝລາວ​ສູ່​ສາ­ກົນ ແລະ​ກໍ​ເປັນ​ຄັ້ງ​ທຳ​ອິດ​ທີ່ຈັດ​ຂຶ້ນ​ໃນ ສປປ ລາວ ໂດຍ​ລາຍ​ໄດ້​ທັງໝົດ​ຈະ​ນຳ​ເຂົ້າ​ໃນ​ການ​ສົມ­ທົບ​ທຶນ​ເພື່ອການ​ກຸ­ສົນ​ໃນ ສປປ ລາວ ນີ້​ເປັນ​ບັນ​ຍາກາດ​ພິ­ເສດ​ທີ່​ສຸດ​ທີ່​ໄດ້​ມີ​ໂອ­ກາດ​ສຳ­ຜັດການ­ສະ­ແດງ​ເດີນ​ແບບ​ແຟ​ເຊິນ​ຂອງ ສປປ ລາວ ຮ່ວມ​ກັບ​ບັນ­ດາ​ປະ­ເທດຕ່າງໆ​ຢູ່​ໃນ​ພາກ​ພື້ນແລະ​ສາ­ກົນ​ເຊັ່ນ: ການ​ເດີນ​ແບບ​ແຟ​ເຊິນ​ຂອງ ສປປ ລາວ ຈາກ​ຮ້ານ​ຂາຍ​ຄຳ Phouvong jewelry, brandpoumpoum Lao silk Designer vilayphone Bouphavanh ແລະ​ຮ້ານ​ຂາຍ​ຄຳ Samlane jewelry, ພ້ອມ​ດ້ວຍ​ການ​ເດີນ​ແບບແຟ​ເຊິນ​ອື່ນໆ​ອີກ​ຫຼາຍ​ລາຍ­ການ​ຂອງລາວ, ນອກ­ຈາກ​ນັ້ນກໍ​ຍັງ​ມີ​ການ​ເດີນ ແບບ​ແຟ​ເຊິນ​ຈາກ​ບັນ­ດາ​ປະ­ເທດ​ຕ່າງໆເປັນ­ຕົ້ນ​ວ່າ: ການ​ເດີນ​ແບບ​ແຟ​ເຊິນ Huawei ຈາກ​ປະ­ເທດ​ຈີນ, Brand NUTTAWAT Designer Accessory By NIPON ຈາກ​ໄທ, Brand YaccoMARICARD Japanese Designer ຈາກ​ປະ­ເທດ​ຍີ່­ປຸ່ນ ແລະ ການ​ເດີນ​ແບບ​ແຟ​ເຊິນ​ຈາກ​ປະ­ເທດ ຕ່າງໆ​ອີກ​ຫຼາຍ​ລາຍ­ການ.

ການ​ເດີນ​ແບບ​ແຟ​ເຊິນ ແລະ​ການອອກ​ແບບ​ແຟ​ເຊິນຈາກ​ປະ­ເທດ​ຕ່າງໆ​ນີ້ແມ່ນ​ມີ​ຊື່​ສຽງ​ໂດ່ງ​ດັງ​ທີ່​ໄດ້​ຮັບ​ການຍອມ­ຮັບ ແລະ​ຊື່ນ​ຊົມ​ຈາກ​ທົ່ວ​ໂລກໂດຍການ​ຈັດ​ງານ​ເດີນ​ແບບ​ແຟ​ເຊິນ​ໃນຄັ້ງ​ນີ້​ຖື​ເປັນ​ບາດ­ກ້າວ​ສຳ­ຄັນ​ສຳ­ລັບການ​ເດີນ​ແບບໃນ ສປປ ລາວ ທີ່​ຈະ​ໄດ້ຮັບ​ຄວາມ​ນິ­ຍົມ​ຢ່າງ​ກວ້າງ­ຂວາງ​ຕໍ່​ໄປໃນ​ອະ­ນາ­ຄົດ.

ທີ່ມາ:logo

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...