ພະ​ແນກ​ໂຍ­ທາ​ທິ​ການ​ຂົນສົ່ງ​ຕາງ­ໜ້າ​ແຂວງ​ໄຊ​ຍະ​ບູ​ລີ​ຜູ້​ຮັບ​ໄດ້​ຈັດ​ຂຶ້ນ​ໃນ​ວັນ ທີ 11 ມີ­ນາ 2016 ນີ້ ທີ່​ສະ­ໂມ­ສອນ​ຫ້ອງ​ວ່າ­ການປົກ­ຄອງ​ແຂວງ​ໄຊ​ຍະ​ບູ​ລີໂດຍ​ການ​ເປັນ​ປະ­ທານ​ຂອງ ທ່ານ ພົງສະ­ຫວັນ ສິດ​ທະ​ວົງ ເຈົ້າ­ແຂວງໆ​ໄຊ​ຍະບູ​ລີ, ມີ​ຮອງ​ເຈົ້າ­ແຂວງ, ເຈົ້າ­ເມືອງ​ໄຊຍະ​ບູ​ລີ, ມີ​ບັນ­ດາ​ຫົວ­ໜ້າ​ພະ­ແນກ­ການ, ຫົວ­ໜ້າ​ຄະ­ນະ​ອຳ­ນວຍ​ການ​ບໍ­ລິ­ສັດ​ນິກເກັງ​ເຊັກ​ເກ​ວິ­ສະ­ວະ­ກຳຈຳ­ກັດ, ພະ­ນັກ ງານ​ວິ­ຊາ​ການພ້ອມ​ດ້ວຍ​ນາຍ­ບ້ານ​ເທສະ​ບານ​ເມືອງ​ເຂົ້າ​ຮ່ວມ.

ທ່ານ ເຕັດ​ສຶ​ຊິ ຟູ​ຈີ​ຕະ ຄະ­ນະ​ອຳນວຍ​ການ​ບໍ­ລິ­ສັດ​ນິກ​ເກັງ​ເຊັກ​ເກວິ​ສະວະ​ກຳ​ຈຳ­ກັດ​ກ່າວ​ວ່າ: ໂຄງ­ການ​ສຳ ຫຼວດ​ອອກ​ແບບ-ວາງ​ແຜນ​ຜັງ­ເມືອງ​ເທສະ​ບານ​ແຂວງ​ໄຊ​ຍະ​ບູ​ລີໄດ້​ຈັດ​ຕັ້ງ​ປະ­ຕິບັດ​ຕາມ​ບາດ­ກ້າວ​ຂັ້ນ​ຕອນ ແລະ​ຫຼັກ​ວິຊາ​ການ​ສຳ​ຫຼວດ-ອອກ​ແບບ​ແຕ່​ຕົ້ນເດືອນ​ກັນ­ຍາ​ປີ 2013 ເປັນ­ຕົ້ນ​ມາ​ໃນຂອບ​ເຂດ​ໂຄງ­ການ​ແຜນ­ຜັງ​ຊີ້​ນຳ​ລວມເນື້ອ­ທີ່ 3.400 ເຮັກ­ຕາ, ເບື້ອງ​ຕາ­ເວັນອອກ​ກວມ​ເອົາ 930 ເຮັກ­ຕາ, ເບື້ອງ​ຕາເວັນ​ຕົກ​ກວມ​ເອົາ 2.470 ເຮັກ­ຕາ, ກຳນົດ​ຂອບ​ເຂດ​ເນື້ອ­ທີ່​ອອກ​ແບບ​ວາງ​ແຜນຜັງ​ລະ­ອຽດ 1.530 ເຮັກ­ຕາ, ເບື້ອງ​ຕາເວັນ​ອອກ​ກວມ​ເອົາ 850 ເຮັກ­ຕາ, ເບື້ອງຕາ­ເວັນ­ຕົກ​ກວມ​ເອົາ 680 ເຮັກ­ຕາ ແລະ ໂຄງ­ການ​ດັ່ງ­ກ່າວ​ໄດ້​ຈັດ​ກອງ​ປະ­ຊຸມ ເປີດ​ກວ້າງ​ຜ່ານ​ແນວ​ຄວາມ​ຄິດ​ຕໍ່​ການອອກ​ແບບ​ວາງ​ແຜນ​ຜັງ­ເມືອງ​ໄດ້​ຈຳນວນ 4 ຄັ້ງ ໃນ​ແຕ່​ລະ​ໄລ­ຍະ​ຕາມ​ແຜນດຳ­ເນີນ​ງານ​ມາ​ຮອດ​ປະ­ຈຸ​ບັນ​ໂຄງ­ການດັ່ງ­ກ່າວ​ໄດ້​ສຳ­ເລັດ.

ໃນ​ໂອ­ກາດ​ທີ່​ມີ​ຄວາມ​ໝາຍ​ສຳ­ຄັນ​ນີ້​ຄະ­ນະ​ປະ­ທານ​ພ້ອມ​ດ້ວຍ​ຜູ້​ເຂົ້າ​ຮ່ວມ​ໄດ້ໃຫ້​ກຽດ​ເຂົ້າ​ຮ່ວມ​ພິ­ທີ​ເຊັນ​ບົດ​ບັນ­ທຶກມອບ-ສົ່ງ​ຜົນ­ງານ​ການ​ສຳ​ຫຼວດ​ອອກແບບ​ປັບ­ປຸງ​ຜັງ­ເມືອງ​ເທ­ສະ​ບານ​ແຂວງ ໄຊ​ຍະ​ບູ​ລີ, ຈາກ​ນັ້ນ​ກໍ​ໄດ້​ເຂົ້າ​ຮ່ວມ​ຮັບຊົມ​ຫຸ່ນ​ຈຳ­ລອງ​ແຜນ­ຜັງ​ປັບ­ປຸງ​ເທ­ສະບານ​ແຂວງ​ໄຊ​ຍະ​ບູ​ລີ​ທີ່​ວາງ­ສະ­ແດງ​ຢູ່​ທີ່​ຊັ້ນ​ໜຶ່ງ​ຂອງ​ຫ້ອງ​ວ່າ­ການ​ປົກ­ຄອງແຂວງ​ໄຊ​ຍະ​ບູ​ລີ.

ທີ່ມາ: