ສຳນັກຂ່າວຕ່າງປະເທດ ລາຍງານໃນວັນທີ 11 ມີນານີ້ວ່າ ກຳປັ່ນສຳລານເດີນສະໝຸດ ລຳໃຫຍ່ທີ່ສຸດໃນໂລກ ຮາໂມນີ ອ໊ອບ ເດິ ຊີສ໌ (Harmony of the seas) ໄດ້ອອກຈາກອູ່ຕໍ່ກຳປັ່ນສູ່ທ້ອງທະເລ ເປັນຄັ້ງທຳອິດ ໃນວັນທີ 10 ມີນາ (ຕາມເວລາໃນທ້ອງຖິ່ນ) ຢູ່ເມືອງແຊັງນາແຊ ປະເທດຝຣັ່ງ ໂດຍກຳປັ່ນລຳດັ່ງກ່າວ ຖືກສ້າງຂຶ້ນໃນປີ 2012 ດ້ວຍລາຄາ 1 ຕື້ເອີໂຣ ມີນ້ຳໜັກ 120,000 ໂຕນ ສູງເຖິງ 70 ແມັດ ມີດາດຟ້າຍາວ 362 ແມັດ ກວ້າງ 66 ແມັດ ສາມາດບັນທຸກຜູ້ໂດຍສານໄດ້ເຖິງ 6,000 ຄົນ ແລະ ລູກເຮືອອີກ ຈຳນວນ 2,000 ຄົນ ຊຶ່ງມີກຳນົດສົ່ງມອບ ໃຫ້ກັບບໍລິສັດ Royal Carribean ຂອງອາເມຣິກາ ທີ່ເປັນເຈົ້າຂອງຢ່າງເປັນທາງການ ໃນວັນທີ 12 ພຶດສະພາປີນີ້.