spot_img
Homeຂ່າວຕ່າງປະເທດບຣູ​ໄນ​ ອາດ​ຂາດ​ດຸນ​ການເງິນໜັກ ໃນປີງົບປະມານ 2016-2017

ບຣູ​ໄນ​ ອາດ​ຂາດ​ດຸນ​ການເງິນໜັກ ໃນປີງົບປະມານ 2016-2017

Published on

ລັດຖະບານ​ບຣູ​ໄນ​ຄາດ​ວ່າ ປີ​ງົບປະມານ 2016-2017 ອາດ​ຂາດ​ດຸນ​ການ​ຄ້າ​ຫຼາຍ​ເຖິງ 3,8 ຕື້​ໂດ​ລາບຣູ​ໄນ​ຫຼື​ເກືອບ 70% ຂອງ​ຮ່າງ​ງົບປະມານ​ທີ່​ສະ​ເໜີ​ຕໍ່​ລັດ​ສະພາ.

ທ່ານ ອັລດຸນ ຣາມານ ລັດຖະມົນຕີ​ວ່າການ​ກະຊວງ​ການ​ເງິນ​ຄົນທີ 2 ຖະ​ແຫຼ​ງຕໍ່ກອງ​ປະຊຸມ​ສະພາ​ນິຕິບັນຍັດ​ຄັ້ງ​ທີ 12 ທີ່​ກຳລັງ​ດຳ​ເນີນ​ຢູ່​ໃນ​ຂະນະ​ນີ້​ວ່າ ລາຄາ​ນໍ້າມັນ​ທີ່​ຫຼຸດ​ລົງ​ຫຼາຍ​ກວ່າ 70% ຕັ້ງ​ແຕ່​ປີ 2014 ​ຄາດ​ວ່າ ລັດຖະບານ​ຈະ​ມີ​ລາຍ​ໄດ້​ໃນ​ປີ​ງົບປະມານ 2016-2017 ຢູ່​ທີ່ 1,76 ຕື້​ໂດ​ລາບຣູ​ໄນ ສ່ວນ​ລາຍ​ຈ່າຍ​ຈະ​ຢູ່​ທີ່ 5,6 ຕື້​ໂດ​ລາບຣູ​ໄນ ​ເຮັດ​ໃຫ້​ຍອດ​ຂາດ​ດຸນ​ການ​ຄ້າ​ສູງ​ກວ່າ​ປີ​ງົບປະມານ 2015-2016 ທີ່​ຈະ​ສິ້ນ​ສຸດ​ໃນ​ວັນ​ທີ 31 ມີນາ​ນີ້ ປະມານ 68% ສະ​ເພາະ​ລາຍ​ໄດ້​ຈາກ​ນ້ຳມັນ ​ແລະ ​ແກ໊ສ​ໃນ​ປີ​ງົບປະມານ​ທີ່​ຈະ​ມາ​ເຖິງ​ນີ້​ຄາດ​ວ່າ ຈະ​ຕໍ່າ​ກວ່າ​ປີ​ງົບປະມານ​ປະຈຸ​ບັນ​ກວ່າ 70%.

ທ່ານ ຣາມານ​ຊີ້​​ແຈງ​ວ່າ ການ​ຄາດ​ຄະ​ເນ​ຕົວ​ເລກ​ລາຍ​ໄດ້​ຂອງ​ລັດຖະບານ​ໃນ​ປີ​ງົບປະມານ 2016-2017 ​ເປັນ​ການ​ຄາດ​ຄະ​ເນ​ຢ່າງ​ລະ​ມັດ​ລະວັງ​ເພື່ອ​ໃຫ້​ລັດຖະບານ​ຈັດ​ສັນ​ເງິນ​ຢ່າງຮອບ​ຄອບຫຼາຍ​ຂຶ້ນ ທ່ານຣາມານ​ຂໍ​ໃຫ້​ພາກ​ລັດ ​ແລະ ​ເອກະ​ຊົນ​ເພີ່ມ​ປະສິດທິພາບ​ການ​ຜະລິດ​ຢ່າງ​ເຕັມ​ກຳລັງ​ຫຼຸດ​ການ​ສູນຫາຍໃຫ້​ເຫຼືອ​ໜ້ອຍ​ທີ່​ສຸດ ຫຼີກ​ເວັ້ນການ​ໃຊ້​ຈ່າຍ​ທີ່​ບໍ່​ຈຳ​ເປັນ ​ແລະ ສ້າງ​ຄວາມ​ຫຼາກ​ຫຼາຍ​ທາງ​ເສດຖະກິດ ພ້ອມ​ກັບ​ອ້າງ​ການ​ຄາ​ດຄະ​ເນ​ຂອງ​ກະຊວງ​ວາງ​ແຜນ​ເສດຖະກິດ ​ແລະ ການ​ພັດທະນາ​ວ່າ ​ເສດຖະກິດ​ປີ 2015 ທີ່​ຜ່ານ​ມາ​ນ່າຈະ​ຫົດ​ຕົວ 1,1% ​ແລະ ຈະ​ກັບ​ມາ​ຂະນະ​ຕົວ 2,3%​ໃນ​ປີ​ນີ້.

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...