ສຳນັກຂ່າວຕ່າງປະເທດ ລາຍງານໃນວັນທີ 10 ມີນານີ້ວ່າ ພັກສັນນິບາດຊາດເພື່ອປະຊາທິປະໄຕ ຫລື NLD ພາຍໃຕ້ການນຳຂອງ ນາງ ອອງ ຊານ ຊູຈີ ໄດ້ນຳສະເໜີຊື່ ທ່ານ ຖິ່ນ ຈໍ (Htin Kyaw) ເປັນຕົວແທນຂອງພັກ ລົງສະໝັກຊິງຕຳແໜ່ງປະທານາທິບໍດີມຽນມາ ຊຶ່ງຈະມີການລົງມະຕິເລືອກຕັ້ງ ພາຍໃນລັດຖະສະພາມຽນມາ ໃນອີກບໍ່ດົນນີ້.
ທ່ານ ຖິ່ນ ຈໍ ເປັນຜູ້ທີ່ມີບົດບາດສຳຄັນ ແລະ ໃກ້ຊິດຕິດແທດ ກັບນາງ ອອງ ຊານ ຊູຈີ ໂດຍທ່ານເປັນຜູ້ບໍລິຫານ ມູນນິທິຂອງຊູຈີ ທີ່ສ້າງຕັ້ງຂຶ້ນ ແລະ ໃກ້ຊິດກັບຊູຈີ ມາຕັ້ງແຕ່ຊຸມປີ 1990 ເປັນຕົ້ນມາ.