spot_img
Homeຂ່າວຕ່າງປະເທດ“ມາເລເຊຍ” ໄດ້ເປີດ “ສະໜາມບິນ KLIA2” ສາຍການບິນລາຄາຖືກແຫ່ງໃຫມ່

“ມາເລເຊຍ” ໄດ້ເປີດ “ສະໜາມບິນ KLIA2” ສາຍການບິນລາຄາຖືກແຫ່ງໃຫມ່

Published on

ສະໜາມບິນນານາຊາດ ກົວລາລັມເປີ 2 (KLIA2) ສຳລັບການບິນລາຄາຖືກ ຕຽມເປິດບໍລິການໃນວັນສຸກນີ້  ນັບເປັນສູນກາງການບິນແຫ່ງ ໃໝ່ຂອງມາເລເຊຍ ທີ່ໃຫ້ບໍລິການແກ່ຜູ້ໂດຍສານ ທີ່ນິຍົມເດີນທາງແບບ ລາຄາປະຢັດ ໂດຍສະເພາະ

ສະໜາມບິນນານາຊາດ KLIA2 ເຊິ່ງງົບປະມານ 1,200 ລ່ານໂດລ່າ  ຕັ້ງຢູ່ບໍ່ໄກຈາກສະໜາມບິນຫຼັກ KLIA ໂດຍແຕ່ເກົ່າ ລັດຖະບານມາເລເຊຍ ຕັ້ງເປົ້າຈະເປິດໃຫ້ບໍລິການຕັ້ງແຕ່ 3 ປີທີ່ແລ້ວ ແຕ່ເຈີອຸປະສັກຫຼາຍຢ່າງ ທັ້ງຍັງມີສຽງວິພາກວິຈານ ກ່ຽວກັບບັນຫາຄວາມປອດໄພ ແລະການສ້າງທີ່ບໍ່ໃດ້ຕາມມາດຕະຖານ ບໍ່ວ່າຈະເພິ່ມເງິນລົງທຸ່ນເປັນ 2 ເທົ່າກໍ່ຕາມ.

ຢ່າງໃດກໍ່ຕາມ ໂຄ້ງການ KLIA2 ກໍ່ເສັດສົມບູນລົງຈົນໃດ້ ແລະຈະເປິດຮັບຜູ້ໂດຍສານ ຄັ້ງທຳອິດໃນວັນສຸກນີ້  ໂດຍມີເຄື່ອງບິນ ຈອດທັ້ງໝົດ 56 ລຳ ແລະຈະເພີ່ມຂື້ນຢ່າງຕໍ່ເນື່ອງ ຫຼັງຈາກທີ່ສາຍການບິນລາຄາຖືກ ທຸກບໍລິສັດຍ້າຍມາຈາກສະໜາມບິນ  LCCT ມາໃຫ້ບໍລິການສະໜາມບິນແຫ່ງໃຫມ່ນີ້ທັ້ງໝົດ.

ນັກວິເຄາະ ແລະຜູ້ເດິນທາງສ່ວນໃຫຍ່ເຫັນຄືກັນວ່າ ການເປິດສະໜາມບິນລາຄາຖືກ ແຫ່ງໃຫມ່ໃນເມືອງຫຼວງຂອງມາເລເຊຍ ລ່າຊ້າແລະດົນເກິນໄປແລ້ວ.

ສະໜາມບິນ LCCT ເຊິ່ງໃຫ້ບໍລິການໃນປັດຈຸບັນ ເປັນອາຄານເກົ່າເບິ່ງຄ້າຍກັບສະຖານນີປະຈຳທາງຫຼາຍກວ່າສະໜາມບິນ ໂດຍປີທີ່ແລ້ວນີ້ມີນັກເດິນທາງມາໃຊ້ບໍລິການ LCCT ຫຼາຍເຖິງ 22 ລ້ານຄົນ ໂດຍສະໜາມບິນຮອງຮັບຜູ້ໂດຍສານໃດ້ພຽງ 15 ລ້ານຄົນຕໍ່ປີ .

ທາງການມາເລເຊຍເຊື່ອວ່າ KLIA2 ເຊິ່ງຈະເປັນບ້ານໃຫມ່ ຂອງສາຍການບິນ ທີ່ມີພື້ນທີ່ກວ້າງຂວາງພໍໆ ກັບເດິນເຕະບານ 24 ເດິນຮວມກັນ ແລະໃຫຍ່ກວ່າສະໜາມບິນ LCCT ປະມານ 4 ເທົ່າ.

ອາຄານຖືກອອກແບບໃຫ້ທັນສະໄໝ ແລະມີຊ່ອງຮັບແສງທຳມະຊາດ ເພື່ອຊ່ວຍໃຫ້ປະຢັດຄ່າໄຟຟ້າ ຜູ້ໂດຍສານສາມາດເຊື່ອຕໍ່ກັບ ລະບົບຣົດໄຟຄວາມໄວສູງ KLIA Express ເພື່ອເດິນທາງໄປ ນະຄອນກົວລາລັມເປິ ເຊິ່ງຢູ່ຫ່າງອອກໄປປະມານ 50 ກິໂລແມັດ ໃດ້ຢ່າງສະດວກ.

ສາຍການບິນລາຄາຖືກ ຈະເລິ່ມໃຫ້ບໍລິການທີ່ສະໜາມບິນ KLIA2 ຕັ້ງແຕ່ວັນສຸກນີ້ ໃດ້ແກ່ Malin Air Condo, Cebu ປາຊີຟິກ, Tiger Airways, Lion Air ແລະ Mandala Airlines ສ່ວນສາຍການບິນ Flight ຍອດນິຍົມ  “AirAsia” ຈະຍາຍການບິນມາທີ່ KLIA2 ຕັ້ງແຕ່ວັນທີ່ 9 ພຶດສະພາເປັນຕົ້ນໄປ.

KLIA2 ສາມາດຮອງຮັບຜູ້ໂດຍສານໃດ້ປີລະ 45 ລ້ານຄົນ ໃນຂະນະທີ່ສະໜາມບິນ KLIA ເຊິ່ງຖືເປັນສະໜາມບິນຫຼັກ ຂອງມາເລເຊຍ ຍັງຮັບຜູ້ໂດຍສານໃດ້ພຽງ 40 ລ້ານຄົນຕໍ່ປີ ລັດທະບານ ກໍ່ມີແຜນຈະຂະຍາຍສະໜາມບິນຫຼັກ ໃຫ້ສາມາດຮອງຮັບ ຄົນເດິນທາງ ໃດ້ຫຼາຍຂື້ນເຊັ່ນກັນ.

ທາງມາເລເຊຍຄາດວ່າ ຈະມີຜູ້ໂດຍສານໃຊ້ສະໜາມບິນ KLIA2 ປະມານ 24 ລ້ານຄົນ ໃນຊ່ວງ 12 ເດືອນທຳອິດທີ່ເປິດໃຫ້ບໍລິການ

“ ສະໜາມບິນ KLIA2 ຈະຊ່ວຍເສີມຄວາມແຂງແກ່ງໃຫ້ນະຄອນກົວລາລັມເປິ ໃນຖານະທີ່ເປັນສູນກາງການບິນ ທັ້ງແບບລາຄາຖືກ ແລະບໍລິການຄົບວົງຈອນ ” Bashir Ahmad ຜູ້ອຳນວຍການຝ່າຍຈັດການຂອງບໍລິສັດ ເມເລເຊຍ Airport Holdings Berhad. (MAHB) ເຊິ່ງເປັນຜູ້ບໍລິຫານ ແລະ ກໍ່ສ້າງສະໜາມບິນ KLIA2 ຂື້ນ.

 

 

ກຸ້ງຄຳ ແສນມະນີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...