Home​ຂ່າວບັນເທິງກຽມປະກວດນາງແບບ, ຊາຍແບບ ແລະ ເດັກຫນ້າຮັກຄັ້ງທຳອິດ ໃນລາວ ປີ 2014

ກຽມປະກວດນາງແບບ, ຊາຍແບບ ແລະ ເດັກຫນ້າຮັກຄັ້ງທຳອິດ ໃນລາວ ປີ 2014

Published on

SONY DSC

 

   ວັນທີ 29 ເມສານີ້ພະແນກຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວນະ ຄອນຫຼວງວຽງ​ຈັນ, ຮ່ວມກັບ ບໍລິສັດ  ແອລທີ ແລະ ບໍລິສັດ KHB ດຣາມມາ ຈຳກັດຜູ້ດຽວ ໄດ້ຈັດພິທີຖະແຫຼ່ງຂ່າວເປີດໂຄງການປະກວດນາງແບບ, ​ຊາຍແບບ ແລະ ເດັກໜ້າ ຮັກ (LAO SUPPER MO DEL) ປີທຳອິດໃນປະເທດ ລາວ ຂຶ້ນຢູ່ໂຮງແຮມລາວພລາຊາ, ນະຄອນຫຼວງ ວຽງຈັນ, ໂດຍການ ເຂົ້າຮ່ວມຂອງທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງປະເທດລາວ, ມີປະທານບໍລິ ສັດ  LT, ບໍລິສັດ KHB ແລະ ພາກ ສ່ວນທີ່ກ່ຽວຂ້ອງພ້ອມດ້ວຍສື່ມວນຊົນເຂົ້າຮ່ວມ.
     ທ່ານ ວິໄລສັກ ພຸດທະຄຳສົມພູ ປະທານບໍລິສັດ KHB ດຣາມາຈຳກັດຜູ້ດຽວ ຖະແຫຼງວ່າ: ການປະກວດນາງແບບ,

ຊາຍ ແບບ ແລະ ເດັກໜ້າຮັກຄັ້ງທຳອິດໃນລາວແມ່ນຈະຈັດຂຶ້ນໃນວັນທີ  6 ເດືອນກັນຍາ ປີ 2014 ນີ້, ຢູ່ສູນການຄ້າລາວ ໄອເຕັກ ນະຄອນຫຼວງວຽງຈັນ, ເພື່ອເປັນການເປີດໂອກາດໃຫ້ໄວໜຸ່ມເຍົາວະຊົນໄດ້ສະແດງອອກ ແລະ ກ້າວໄປສູ່ວົງການ ບັນເທີງ ຂອງລາວ, ໂດຍສະເພາະແມ່ນການເປັນຕົວແທນນຳສະເໜີຮີດຄອງປະເພນີອັນດີງາມຂອງຊາດ ແລະ ການນຸ່ງຖືທີ່ ເປັນເອກະ ລັກ, ເປັນຕົ້ນແມ່ນການປະຍຸກຜ້າ​​ໄໝ ລາວ ແລະ ເຮັດໃຫ້ຕ່າງປະເທດ ໄດ້ຮັບຮູ້ຫຼາຍຂຶ້ນ, ທັງເປັນການກຽດ ພ້ອມໃນການ ເຂົ້າສູ່ປະຊາຄົມອາຊຽນໃນປີ  2015, ດັ່ງນັ້ນ ຈຶ່ງຢາກເຊີນຊວນໄວໜຸ່ມເຍົາວະຊົນ, ໂດຍສະເພາະຜູ້ທີ່ສົນໃຈ ເຂົ້າຮ່ວມປະ ກວດໃນງານດັ່ງກ່າວ, ສຳລັບເງື່ອນໄຂຜູ້ທີ່ຈະເຂົ້າຮ່ວມປະກວດແມ່ນ: ຍິງ ແລະ ຊາຍ ສັນຊາດລາວ ອາຍຸ 18- 25 ປີ, ເດັກ ອາຍຸ   6 – 10 ປີ, ເລີ່ມເປີດຮັບສະໝັກເດືອນກໍລະກົດທີ່ຈະມາເຖິງນີ້, ຢູ່ບໍລິສັດ LT ແລະ ບໍລິສັດ KHB ດຣາມາຈຳ ກັດ ຜູ້ດຽວ, ນະຄອນຫຼວງວຽງຈັນ.

ທີ່ມາ http://laophatthananews.blogspot.com/2014/04/2014_30.html

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...