ປະຊາຊົນຄົນລາວເຮົາມີປະເພນີທີ່ສຳຄັນທີ່ກ່ຽວພັນກັບຊີວິດຈິດໃຈຂອງແຕ່ລະຄົນຕັ້ງ ແຕ່ເກີດຈົນເຖິງມື້ໝົດລົມຫາຍ ໃຈເຮັດທຸກສິ່ງຢ່າງກໍເພື່ອໃຫ້ເກີດມີສິລິມຸງຄຸນແກ່ຊີວິດຂອງຕົນໃນ
ຕະຫຼອດໄລຍະເວລານັ້ນໆ ຊຶ່ງໃນ ນີ້ການບວດກໍແມ່ນໜຶ່ງຂອງການຕອບແທນພະຄຸນຂອງຜູ້ທີ່ໃຫ້ກຳ ເນີດ ແລະລ້ຽງດູເຮົາມາ.
ເນື່ອງຈາກວ່າ ຄົນລາວຫຼາຍ ຊົນເຜົ່າລ້ວນແຕ່ນັບຖືສາສະ ໜາພຸດ ຫຼື ພະພຸດທະສາສະໜາ ດັ່ງນັ້ນ ຖ້າຫາກຄອບຄົວໃດມີລູກ ຜູ້ຊາຍ ເມື່ອອາຍຸ 20 ປີຂຶ້ນໄປທຸກຄົນຕ້ອງບວດໃນພຸດທະສາສະໜາກ່ອນ ຈິ່ງຄວນແຕ່ງງານມີ ຄອບຄົວໄດ້ ແລະຖ້າບວດກ່ອນທີ່ ອາຍຸຈະເຖິງ 20 ປີ ກໍໄດ້ໂດຍຖື ວ່າເປັນການບວດ “ຈົວ“ ຜູ້ທີ່ ບວດຈົວຈະຕ້ອງຮັກສາສິນ 10 ຂໍ້ເມື່ອອາຍຸຄົບ 20 ປີ ແລ້ວຈຶ່ງສາມາດບວດພະສາເຫດທີ່ລູກຊາຍ ຈະຕ້ອງບວດແມ່ນມີພື້ນຖານຄວາມເຊື່ອດັ່ງນີ້: 1. ເພື່ອຮ່ຳ ຮຽນສຶກສາວິຊາຄວາມຮູ້ຕ່າງໆ ເຊັ່ນວ່າ ຮຽນໜັງສືສຶກສາອັກ ສອນທຳ ອັກສອນຂອມ ພະຄຳພີ ຈາກເລື່ອງລາວຕ່າງໆໃນພຸດທະສາສະໜາ, 2. ເພື່ອຕອບແທນຜູ້ທີ່ມີ ບຸນຄຸນເຊັ່ນ: ພໍ່, ແມ່ ແລະອື່ນໆ ຊຶ່ງວິທີບວດແມ່ນມີ 3 ວິທີຄື: 1. ການບວດທີ່ພະພຸດທະເຈົ້າບວດໃຫ້ ຊຶ່ງມີໃນສະໄໝພຸດທະ ການ, 2. ແມ່ນການບວດທີ່ພະສາ ວົກບວດໃຫ້, 3. ການບວດທີ່ມີພະ ສົງຢ່າງໜ້ອຍ 5 ອົງ ວິທີນີ້ແມ່ນ ການບວດທີ່ໃຊ້ກັນຢູ່ໃນປະຈຸບັນ ຊຶ່ງຜູ້ທີ່ຈະບວດໄດ້ກໍຕໍ່ເມື່ອມີອາຍຸ 10 ປີຂຶ້ນໄປ, ມີອາຊີບທີ່ດີ, ມີຄວາມປະພຶດທີ່ດີ, ມີຄວາມຮູ້ອ່ານອອກຂຽນໄດ້ ແລະມີຮ່າງກາຍສົມ ບູນຜູ້ທີ່ບໍ່ສາມາດບວດໄດ້ແມ່ນຜູ້ທີ່ພິການບໍ່ສາມາດຊ່ວຍເຫຼືອຕົວເອງໄດ້, ມີໂລກຕິດຕໍ່ ແລະຜູ້ທີ່ມີຄວາມ ຜິດທາງກົດໜາຍບ້ານເມືອງ.
ດັ່ງນັ້ນ ຖ້າຫາກວ່າທ່ານໃດມີ ຈິດໃຈໃສສັດທາເພື່ອເປັນການ ຕອບແທນບຸນຄຸນພໍ່ແມ່ຜູ້ທີ່ໃຫ້ກຳເນີດຊີວິດເຮົາມາ ແລະໄດ້ອ່ານຄໍ ລ້ຳວັດທະນະທຳໃນມື້ນີ້ແລ້ວຕ້ອງການທີ່ຈະບວດຊຶ່ງຂ້າພະເຈົ້າຫວັງຢ່າງຍິ່ງວ່າ ຈະເປັນການເລົ່າ ສູ່ກັນຟັງເພື່ອເປັນການສືບສານປະເພນີອັນດີງາມທີ່ເກົ່າແກ່ໄວ້ຕໍ່ໄປ.
ຂໍ້ມູນຈາກ http://www.sedthakid.la/