Mitsubishi L200 Geoseek ແລະ ASX Geoseek ສອງລົດຍົນຕົ້ນແບບລຸ້ນໃໝ່ລ່າສຸດເຜີຍໂສມທີ່ງານ ມໍເຕີໂຊ ກຸງເຈນີວາ ປະເທດສະວິດເຊີແລນ ເມື່ອວັນທີ 1 ມີນາຄົມນີ້.
ລົດຕົ້ນແບບທັງສອງລຸ້ນ ຖືກພັດທະນາຂຶ້ນມາຈາກລົດທີ່ກຳລັງວາງຈຳໜ່າຍຢູ່ໃນປັດຈຸບັນ L200/Triton ແລະ ASX (ຫຼື RVR ໃນປະເທດຢີ່ປຸ່ນ) ໂດຍໄດ້ຮັບການພັດທະນາໃຫ້ເໝາະສົມສຳລັບການໃຊ້ງານເພື່ອກິດຈະກຳກາງແຈ້ງ.
ທັງ L200 Geoseek ແລະ ASX Geoseek ມາພ້ອມຕົວຖັງສີເທົາ Pearl Grey ເພີ່ມຄວາມແຂງແຮງ ຕົກແຕ່ງດ້ວຍສີສົ້ມບໍລິເວນກອບໄຟດັກໝອກ, ຊຸ້ມລໍ້, ແວ່ນເບິ່ງຂ້າງ, ຂັ້ນໄດຊ້າງ, ລໍ້ອັດລອຍ ແລະ ອື່ນໆ ສະທ້ອນພາບລັກຄວາມມີຊີວິດຊີວາ.
ທັງສອງລຸ້ນຕິດຕັ້ງຮາວຫຼັງຄາທີ່ສາມາດຍຶດອຸປະກອນຕ່າງໆ ໂດຍລຸ້ນ L200/Triton Geoseek ຍັງມາພ້ອມມືຈັບ ແລະ ໄຟຊ່ອງກະບະທ້າຍ ຂະນະທີ່ລຸ້ນ RVR Geoseek ຕິດຕັ້ງໄຟຕັດໝອກໜ້າແບບ LED
ຫ້ອງຜູ່ໂດຍສານພາຍໃນຕົບແຕ່ງດ້ວຍໂທນສີດຳກັບສີສົ້ມ ເບາະນັ່ງຫຸ້ມດ້ວຍໜັງແທ້ສະລັບຜ້າ Suede ເຊິ່ງມິດຊູບີຊິລະບຸວ່າ “ຫ້ອງໂດຍສານພາຍໃນສະແດງເຖິງຄວາມລຽບຫຼຸ ເຂົ້າກັບອຸປະກອນກາງແຈ້ງ”.
ຂໍ້ມູນຈາກ http://auto.sanook.com/