ສຳນັກຂ່າວຣອຍເຕີລາຍງານວ່າ ເມື່ອວັນທີ 2 ມີນາ ປະມານ 20.00 ໂມງ ຕາມເວລາໃນລາລ ໄດ້ເກີດມີແຜ່ນດິນໄຫວຮຸນແຮງຂະໜາດ 8,1
ບໍລິເວນຝັ່ງຕາເວັນຕົກຂອງປະເທດອິນໂດເນເຊຍ ເທິງເກາະສຸມາຕຣາ ໂດຍສຳນັກສຳຫຼວດທໍລະນີວິທະຍາສະຫະລັດ ອາເມລິກາ (ຢູເອສຈີເອສ) ແຈ້ງວ່າ ສູນກາງແຜ່ນດິນໄຫວຮຸ່ນແຮງຄັ້ງນີ້ຢູ່ຫ່າງຈາກເມືອງປາດັງຂອງອິນໂດເນເຊຍ ໄປທາງຕາເວັນຕົກສຽງໃຕ້ປະມານ 808 ກິໂລແມັດ ແລະຢູ່ເລິກລົງໄປພື້ນດິນ 10 ກິໂລແມັດ ເບື້ອງຕົ້ນຍັງບໍ່ມີການລາຍງານຄວາມເສຍຫາຍ, ແນວໃດກໍຕາມ ລາຍງານລະບຸວ່າ ຄວາມຮຸນແຮງໃນລະດັບນີ້ ແລະຢູ່ພື້ນດິນຂະໜາດນີ້ໜ້າຈະກໍ່ໃຫ້ເກີດຄວາມເສຍຫາຍຮຸນແຮງຂຶ້ນໄດ້.
ຂະນະທີ່ໃນເວລາຕໍ່ມາ ຢູເອສຈີເອສໄດ້ປັບລະດັບຄວາມຮຸນແຮງເຫຼືອຂະໜາດ 7,9
ທັງນີ້ ອິນໂດເນເຊຍ ເຄີຍເກີດແຜ່ນດິນໄຫວຮຸນແຮງຂຶ້ນເມື່ອປີ 2004 ຈົນເຮັດໃຫ້ເກີດຄືນຍັກສຶນາມິຂຶ້ນໃນມະຫາສະໝຸດອິນເດຍ ແລະສົ່ງຜົນກະທົບໄປໃນຫຼາຍປະເທດ ເຮັດໃຫ້ມີຜູ້ເສຍຊີວິດລວມຫຼາຍແສນຄົນ.
ຂໍ້ມູນຈາກ http://www.sedthakid.la/