spot_img
Homeຂ່າວການສຶກສານັກສຶກສາລາວ 20 ຄົນ ເດີນທາງໄປຍີ່ປຸ່ນ ເພື່ອຮຽນຮູ້ກ່ຽວກັບວັດທະນະທຳ ແລະ ພາສາຍີ່ປຸ່ນ

ນັກສຶກສາລາວ 20 ຄົນ ເດີນທາງໄປຍີ່ປຸ່ນ ເພື່ອຮຽນຮູ້ກ່ຽວກັບວັດທະນະທຳ ແລະ ພາສາຍີ່ປຸ່ນ

Published on

ໃນວັນທີ 29 ກຸມພາ 2016 ຜ່ານມາ ນັກສຶກສາລາວຈຳນວນ 20 ຄົນ ພ້ອມດ້ວຍຜູ້ນໍາພາ 1 ທ່ານ ໄດ້ອອກເດີນທາງຈາກສະໜາມບິນສາກົນວັດໄຕ ນະຄອນຫຼວງວຽງຈັນ ໄປຍັງປະເທດຍີ່ປຸ່ນ ເພື່ອເຂົ້າຮ່ວມໂຄງການແລກປ່ຽນຊາວໜຸ່ມ ທີ່ມີຊື່ວ່າ ໂຄງການ JENESYS 2015 ໂດຍນັກສຶກສາເຫຼົ່ານີ້ ຈະເຄື່ອນໄຫວຢູ່ຍີ່ປຸ່ນ ຕັ້ງແຕ່ວັນທີ 01-08 ມີນາ 2016 ໃນຫົວຂໍ້ ການສື່ສານດ້ວຍພາສາຍີ່ປຸ່ນ ແລະ ການຮຽນຮູ້ວັດທະນະທຳຍີ່ປຸ່ນ ເຊິ່ງໂຄງການແລກປ່ຽນໃນຄັ້ງນີ້ ແມ່ນມີຈຸດປະສົງເພື່ອສົ່ງເສີມຄວາມເຂົ້າໃຈກ່ຽວກັບວັດທະນະທຳ ປະຫວັດສາດ ແລະ ສັງຄົມຍີ່ປຸ່ນ ໃຫ້ແກ່ນັກສຶກສາທີ່ພວມຮຽນພາສາຍີ່ປຸ່ນ ໂດຍນັກສຶກສາທັງ 20 ຄົນ ທີ່ໄດ້ຖືກຄັດເລືອກ ລ້ວນແລ້ວແຕ່ແມ່ນນັກຮຽນເກັ່ງ ແລະ ມີຜົນງານດີເດັ່ນ ຈາກສະຖາບັນສອນພາສາຍີ່ປຸ່ນແຫ່ງຕ່າງໆຢູ່ໃນນະຄອນຫຼວງວຽງຈັນ ແລະ ຕ່າງແຂວງ.

ນັກສຶກສາທັງໝົດຈະເດີນທາງໄປຢ້ຽມຢາມນະຄອນຫຼວງໂຕກຽວ ແລະ ແຂວງໂອກະຢະມ່າ (ຕັ້ງຢູ່ທາງພາກຕາເວັນຕົກຂອງເກາະຮົງຊູ) ນອກຈາກໄດ້ໄປຢ້ຽມຊົມສະຖານທີ່ທາງດ້ານປະຫວັດສາດ ແລະ ວັດທະນະທຳແລ້ວ ນັກສຶກສາທັງໝົດຍັງຈະມີໂອກາດໄປພັກເຊົ່າຢູ່ບ້ານຂອງຄົນຍີ່ປຸ່ນ ແລະ ແລກປ່ຽນກັບນັກຮຽນຍີ່ປຸ່ນ ທັງນີ້ ນັກສຶກສາທີ່ເຂົ້າຮ່ວມໂຄງການດັ່ງກ່າວ ກໍຈະສາມາດພັດທະນາຄວາມສາມາດທາງດ້ານພາສາຍີ່ປຸ່ນຂອງຕົນ ແລະ ປະກອບສ່ວນເຂົ້າໃນການສົ່ງເສີມສາຍພົວພັນມິດຕະພາບລະຫວ່າງລາວ ແລະ ຍີ່ປຸ່ນອີກດ້ວຍ.

 

ຂໍ້ມູນຈາກ http://www.vtetoday.la/

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...