ພາບບັນຍາກາດ ການສະຫລອງປີໃໝ່ລາວ ທີ່ ແຊນ ດິເອໂກ:
ສະບາຍດີ ທ່ານຜູ້ຟັງທີ່ເຄົາລົບ ຫວັງຢ່າງຍິ່ງວ່າ ທຸກທ່ານໄດ້ຮັບຄວາມມ່ວນຊື່ນລື້ນເລິງ
ເປັນພິເສດ ກັບການສະຫລອງບຸນປີໃໝ່ລາວ ພ.ສ 2557. ເທົ່າເຖີງປັດຈຸບັນນີ້ ບາງຂົງ
ເຂດໃນ ສະຫະລັດ ຍັງດຳເນີນການສະຫລອງບຸນປີໃໝ່ກັນຢູ່ອີກຕໍ່ໄປ.
ເພາະສະນັ້ນ ໃນວາລະໂອກາດອັນຍິ່ງໃຫຍ່ດັ່ງກ່າວນີ້ ຂ້າພະເຈົ້າຈະນຳພາທ່ານໄປ
ທ່ຽວຊົມ ການສະຫລອງບຸນປີໃໝ່ຢູ່ທີ່ ວັດພຸດທະດາຣາມ ເມືອງ San Diego ລັດ
California ແລະ ວັດລາວພຸດທະວົງ ທີ່ເມືອງ Cattlet ເຂດນະຄອນຫລວງວໍຊິງຕັນ
ດີ.ຊີ.
ນະຄອນ San Diego ລັດ California ຕັ້ງຢູ່ທາງທິດຕາເວັນຕົກຂອງ ສະຫະລັດ ອາ
ເມຣິກາ ແຄມຝັ່ງມະຫາສະມຸດ ປາຊິຟິກ. ເມືອງນີ້ເປັນທີ່ຕັ້ງຖານທັບເຮືອ ສະຫະລັດ
ເປັນເມືອງທີ່ມີອາກາດອົບອຸ່ນຢູ່ຕະຫລອດປີ ແລະ ມີປະຊາກອນລາວ ພາກັນຕັ້ງຖິ່ນ
ຖານຢູ່ທີ່ນີ້ກວ່າ 2 ໝື່ນຄົນ. ເພາະສະນັ້ນ ຫາກແຫ່ງໃດມີ ປະຊາກອນລາວ ແຫ່ງນັ້ນ
ກໍແມ່ນຈະມີ ວັດວາອາຮາມ ຂອງ ພຸດທະສາສະໜາ ຫິນະຍານ ຢູ່ສະເໝີ.
ວັດພຸດທະດາຣາມ ແມ່ນນຶ່ງໃນຈຳນວນສາມວັດ ທີ່ໄດ້ສ້າງຂື້ນມາໃນປີ 1978 ພາຍ
ໃຕ້ການນຳພາຂອງ ມື້ລາງ ພະອາຈານສິງທອງ ບັນລືສັກ. ວັດພຸດທະດາຣາມ ຖືວ່າ
ເປັນວັດໃຫຍ່ ຢູ່ໃນເມືອງ San Diego ແລະ ເປັນວັດທີ່ມີການອອກແບບຕົກແຕ່ງ
ສີນລະປະພື້ນເມືອງໂບ ຮານຂອງຫລວງພະບາງ. ນາຍຊ່າງຜູ້ມີຝີມືປານີດດ້ານ ວັດ
ຖຸໂບຮານພື້ນເມືອງລາວ ໄດ້ແກ່ ທ່ານຫຸມແພງ ມະນີສຸກ ແລະລູກຊາຍກົກ ທ່ານວັນ
ນະສິນ ມະນີສຸກ ທີ່ໄດ້ອາສາສະມັກ ທຸ້ມເທເຫື່ອແຮງຮັບໃຊ້ ຕົກແຕ່ງອອກແບບ ສິນ
ລະປະພື້ນເມືອງລາວ ແລະເປັນກຳມະການຢູ່ໃນວັດແຫ່ງນີ້.