ສຳນັກຂ່າວຕ່າງປະເທດ ລາຍງານໃນວັນທີ 29 ກຸມພາຜ່ານມານີ້ວ່າ ໃນໄລຍະພຽງ 2 ເດືອນ (ມັງກອນ-ກຸມພາ) 2016 ນີ້ ຫວຽດນາມໄດ້ສົ່ງອອກເຂົ້າ ຫລາຍກວ່າ 1 ລ້ານໂຕນ ມູນຄ່າ 445 ລ້ານໂດລາ ຊຶ່ງເພີ່ມຂຶ້ນເຖິງ 2 ເທົ່າ ເມື່ອທຽບກັບໄລຍະດຽວກັນຂອງປີກາຍ ໂດຍປາຍທາງການສົ່ງອອກ ສ່ວນໃຫຍ່ແມ່ນປະເທດອິນໂດເນເຊຍ, ຮອງລົງມາແມ່ນຈີນ ແລະ ຟິລິປິນ.

ທັງນີ້ ໃນປີ 2015 ຜ່ານມາ ຫວຽດນາມສົ່ງອອກເຂົ້າໄປທັງໝົດ 6.5 ລ້ານໂຕນ ສ້າງລາຍຮັບໄດ້ 2.68 ຕື້ໂດລາ ໂດຍມີປະເທດໃນພາກພື້ນອາຊີ ເປັນຕະຫລາດລາຍໃຫຍ່ ກວມເຖິງ 74.5% ຂອງການສົ່ງອອກ ຮອງລົງມາແມ່ນພາກພື້ນອາຟຣິກາ 13.77% ແລະ ສະຫະລັດອາເມຣິກາ 6.72%.