ຫຼັງຈາກທີ່ກູເກິລນັ້ນໄດ້ປ່ອຍລົດປັດສະຈາກຄົນແລ່ນຕາມທ້ອງຖະນົນກໍມີອຸບັດເຫດຢູ່ຫຼາຍຕໍ່ຫຼາຍເທື່ອ ໂດຍລ້ວນແຕ່ບໍ່ແມ່ນຄວາມຜິດຂອງລົດປັດສະຈາກຄົນຂັບແຕ່ຢ່າງໃດ.
ໃນເທື່ອນີ້ ກູເກິລ ໄດ້ຂຽນລາຍລະອຽດລາຍງານອຸບັດເຫດໄປຍັງກົມການຂົນສົ່ງໃນລັດແຄລິຟໍເນຍຢືນຢັນວ່າລົດປັດສະຈາກຄົນຂັບ Lexus ຮຸ່ນ RX450h ຂອງທາງກູເກິລ ໄດ້ປະສົບອຸບັດເຫດຕໍາກັບລົດບັສໃນ Mountain View ການຕໍານັ້ນເກີດຈາກລົດປັດສະຈາກຄົນຂັບຕ້ອງການທີ່ຈະປ່ຽນໄປເລນກາງເພື່ອລ້ຽວຂວາອ້ອມຮອບກະສອບຊາຍ ຊຶ່ງລະບົບປະມວນຜົນຜິດໄປວ່າລົດບັສທີ່ໃກ້ເຂົ້າມາຂ້າງຫຼັງໃນເລນກາງຈະຫຼຸດຜ່ອນຄວາມໄວຫຼືຢຸດ ເພື່ອໃຫ້ລົດປັດສະຈາກຄົນຂັບໄປໄດ້ກ່ອນ ດ້ວຍເຫດນີ້ລົດປັດສະຈາກຄົນຂັບຈິ່ງລ້ຽວໄປຕຳດ້ານຂ້າງຂອງລົດບັສໃນຄວາມໄວທີ່ຕໍ່າ ຊຶ່ງເຮັດໃຫ້ບັງຕົມລົດຂ້າງໜ້າ, ລໍ້ ແລະເຊັນເຊີຕ່າງໆໄດ້ຮັບຄວາມເສຍຫາຍ.
ອຸບັດເຫດຄັ້ງນີ້ ຖືວ່າບໍ່ໄດ້ໃຫຍ່ໂຕພໍປານໃດ ແຕ່ໄດ້ບົ່ງບອກວ່າລົດປັດສະຈາກຄົນຂັບກໍຄວນມີຄົນເປັນຫູເປັນຕາເບິ່ງຢູ່ໃນລົດນຳ.