ເຈົ້າໜ້າທີ່ລາວຮ່ວມກັບຊ່ຽວຊານວັດຖຸຸບູຮານຕ່າງປະເທດຂຸ້ນຂ້ຽວເກັບກູ້ເອົາຊາກກະດູກຄົນບູຮານຢູ່ໃຕ້ດິນໃນເຂດບໍລິເວນທົ່ງໄຫຫີນ ພາຍຫລັງພົບຮ່ອງຮອຍ ແລະ ຄວາມລີ້ລັບຖືກເຊື່ອງອໍາໄວ້ຫລາຍຮ້ອຍປີທີ່ບໍ່ມີໃຜຮູ້. ກ່ອນໜ້ານັ້ນມີການຕັ້ງຂໍ້ສັງເກດວ່າໄຫຫີນມີທີ່ມາທີ່ໄປແນວໃດ ແລະ ຫລາຍຄົນກໍຍັງບໍ່ຮູ້ລະອຽດວ່າແມ່ນໄຫຫີນສໍາລັບໃສ່ກະດູກຄົນ ຫລື ຕົ້ມເຫລົ້າຂອງຂຸນເຈືອງ. ຫລ້າສຸດ ການຄົ້ນພົບຊາກກະດູກມະນຸດອາດເປັນສ່ວນສໍາຄັນເຖິງການກ້າວໄປໄຂປິດສະໜາກ່ຽວກັບຄວາມຈິງເລົ່ານັ້ນ.
ປັດຈຸບັນ ສປປ ລາວມີແຫລ່ງມໍລະດົກໂລກ 2 ແຫ່ງຄື: ເມືອງມໍລະດົກໂລກແຂວງຫລວງພະບາງ ແລະ ວັດພູຈໍາປາສັກສະໄໝຂອມ ແຕ່ອະນາຄົດອັນໃກ້ນີ້ ທົ່ງໄຫຫີນອາດຮັບການຂຶ້ນທະບຽນເປັນມໍລະດົກໂລກແຫ່ງທີ 3.
