ສຳນັກຂ່າວຕ່າງປະເທດລາຍງານວ່າ ໂຕຊິບາ ໄລຕິ້ງ ແອນ ເທັກໂນໂລຢີ ກຽມຖອນຕົວອອກຈາກຕະຫຼາດຄອມຊູມເມີໃນປະເທດຈີນ ໂດຍຈະຂາຍໂຮງງານ 3 ແຫ່ງ ໃນຈີນຮົງກົງ ຟູຈຽນ ແລະ ຈຽງຊູ ລວມເຖິງສິດທິການໃຊ້ຍີ່ຫໍ້ໂຕຊິບາໃຫ້ກັບບໍລິສັດຜູ້ຜະລິດເຄື່ອງໄຟຟ້າ “ຄອນຄາ ກຣຸບ” (Konka group) ດ້ວຍມູນຄ່າ 1 ພັນລ້ານເຢນ ໃນວັນທີ 1 ເມສານີ້.
ພ້ອມກັນນີ້ ຈະຍ້າຍຖານການຜະລິດໄປຍັງໂຮງງານປະເທດຍີ່ປຸ່ນ ຊຶ່ງເປັນຕະຫຼາດຫຼັກສຳລັບສິນຄ້າຫຼອດໄຟຂອງໂຕຊິບາ ໂດຍໄລຍະ 9 ເດືອນຂອງປີ 2015 ຍອດຂາຍຕະຫຼາດຍີ່ປຸ່ນສູງເຖິງ 1,43 ແສນລ້ານເຢນ ໃນຂະນະທີ່ຕະຫຼາດຈີນເຮັດໄດ້ພຽງປະມານ 100 ລ້ານເຢນເທົ່ານັ້ນ.
ທັງນີ້ ບໍລິສັດຈະຍັງເກັບສາຍການຜະລິດຫຼອດໄຟທາງການຄ້າ ສຳລັບອຸດສາຫະກຳລົດ ແລະອຸດສາຫະກຳອື່ນໆເອົາໄວ້ເອງ.