ພັດທະນາການຂອງລູກນ້ອຍໃນທ້ອງຈະມີການເຕີບໃຫຍ່ ແລະ ມີການປ່ຽນແປງຢູ່ສະເໝີ ວັນນີ້ພວກເຮົາມີເຄັດລັບໃນການດູແລຕົນເອງຂອງແມ່ຖືພາ ແລະ ການໃຊ້ຊີວິດປະຈຳວັນເລື່ອງອາຫານການກິນລວມທັງສຸຂະພາບຂອງແມ່ທີ່ຊ່ວຍໃຫ້ມີການເສີມສ້າງລະບົບສະໝອງ ແລະ ໄຂສັນຫຼັງໃຫ້ລູກນ້ອຍຕັ້ງແຕ່ຢູ່ໃນທ້ອງມາຝາກ ເຮົາມາເບິ່ງກັນເລີຍວ່າອາຫານທີ່ແມ່ຖືພາຄວນກິນນັ້ນມີຫຍັງແນ່!
ໂປຣຕິນ ແລະ ແຄລຊ້ຽມ ໂປຣຕິນຊັ້ນດີໄດ້ແກ່ ໄຂ່ຂາວມື້ລະ 2-3 ໜ່ວຍ ເນື້ອຕ່າງໆ ໂດຍສະເພາະປາທະເລເຊິ່ງມີສານ DHA ທີ່ເສີມສ້າງສະໝອງ ແລະ ໄຂສັນຫຼັງຂອງລູກ, ສ່ວນຊີ້ນໝູກໍ່ມີວິຕາມິນບີຫຼາຍຊ່ວຍບຳລຸງລະບົບປະສາດ, ນົມກໍ່ມີທັງໂປຣຕິນ ແລະ ແຄລຊ້ຽມສູງ ຊ່ວຍທັງກະດູກ ແລະ ແຂ້ວ.
ໂຟເລດ ຜັກຂຽນວມີໂຟເລດປະລິມານຫຼາຍ ຊ່ວຍປ້ອງກັນຄວາມເປັນພິການຂອງລະບົບປະສາດໄດ້.
ຄວນດື່ມນ້ຳເປັນປົກກະຕິ, ນອນລັບໃຫ້ພຽງພໍ, ອອກກຳລັງກາຍເປັນປະຈຳ, ບໍ່ຄວນຄິດຫຼາຍ ແລະ ເຮັດຈິດໃຈໃຫ້ມີຄວາມເບີກບານ, ມີຄວາມຢູ່ຕະຫຼອດ ເພາະລູກເກີດມາຈະໄດ້ອາລົມດີ ແລະ ມີສຸຂະພາບແຂງແຮງສົມບູນ.
ສິ່ງສຳຄັນທີ່ຄວນປະຕິບັດໃນເວລາຖືພາ: ງົດດື່ມເຄື່ອງມຶນເມົາປະເພດເຫຼົ້າເບຍ…, ກາເຟ, ນ້ຳອັດລົມ, ຫຼີກລ້ຽງຄັວນຢາສູບ, ງົດສູບຢາ ປະເພດຢາສູບ, ຢາເສບຕິດທຸກປະເພດ, ງົດທ່ຽວເດິກ, ນອນເດິກ ແລະ ອື່ນໆ ທີ່ເຫັນວ່າເປັນອັນຕະລາຍຕໍ່ລູກນ້ອຍໃນທ້ອງ.
ໂດຍ: ປອັກເລັກ.