spot_img
Homeຂ່າວການສຶກສາສຳເລັດການສອບເສັງນັກຮຽນເກັ່ງທົ່ວປະເທດ

ສຳເລັດການສອບເສັງນັກຮຽນເກັ່ງທົ່ວປະເທດ

Published on

20140425180310

 

ພິທີ​ສະຫຼຸບ​ຜົນ​ການ​ສອບເສັງ​ນັກຮຽນ​ເກັ່ງ​ທົ່ວ​ປະເທດ ຈັດ​ຂຶ້ນ​ໃນ​ວັນ​ທີ 25 ເມສາ 2014 ສະເພາະ​ຊັ້ນ​ປະຖົມ ປ5 ແມ່ນ​ເພດ​ຍິງ​ຄອງ​ຊະນະ​ເລີດ​ທຸກ​ວິຊາ ວິຊາ​ຄະນິດສາດ ແມ່ນ​ນາງ ກິ່ງ ຫງຽນ​ຍີ່ ຈາກ​ປະຖົມ​ສຶກ​ສາ​ສົມບູນ​ສີ​ມຸງຄຸນ ເມືອງ​ໄຊ​ຍະ​ບູ​ລີ ແຂວງ​ໄຊ​ຍະ​ບູ​ລີ ວິຊາ​ພາສາ​ລາວ ນາງ ຄຳ​ຮ້າວ ສໍ​ພາບ​ມີ​ໄຊ ປະຖົມ​ປາດ​ຖະ​ໜາ ເມືອງ​ໄຊ​ເຊດ​ຖາ ແລະ ວິຊາ​ໂລກ​ອ້ອມ​ຕົວ ນາງ ປານີ​ພອນ ວົງ​ມາລາ ໂຮງຮຽນ​ໂສກ​ປ່າ​ຫຼວງ ເມືອງ​ສີ​ສັດຕະ​ນາກ ນະຄອນຫຼວງ​ວຽງ​ຈັນ.

ສ່ວນ​ຊັ້ນ​ມັດທະຍົມ​ສຶກ​ສາ ຂັ້ນ ມ4 ອັນ​ດັບ​ທີ 1 ວິຊາ​ພາສາ​ລາວ-ວັນນະຄະດີ ນາງ ທິບ​ພະ​ສອນ ພິລາ​ພັນ​ເດດ ວິຊາ​ຄະນິດສາດ ນາງ ສຸ​ນິດ​ຕາ ພິມ​ມະ​ສອນ ທັງ​ສອງ​ຈາກ ​ມສ ພອນ​ສະຫວັນ-ຊົນເຜົ່າ​ກຽມ​ມະຫາວິທະຍາໄລ ວິຊາ​ຟິ​ຊິກ​ສາດ ທ້າວ ອຸດົມ​ສຸກ ໄຊ​ດວງ​ຕາ ມັດທະຍົມ​ຕົ້ນ​ມິດຕະພາບ ແຂວງ​ໄຊ​ຍະ​ບູ​ລີ ແລະ ວິຊາ​ເຄ​ມີ​ສາດ ທ້າວ ຈິດ​ຕະ​ພອນ ບົວ​ເຂີ​ເຮີ ​ມສ ແຂວງ ແຂວງ​ອຸດົມ​ໄຊ.

ສະເພາະ​ຂັ້ນ ມ7 ອັນ​ດັບ​ທີ 1 ວິຊາ​ພາສາ​ລາວ-ວັນນະຄະດີ ນາງ ມຸກ​ທິດາ ແສງ​ສິ​ຣິ​ຈັນ ​ມສ ລາວ-ຫວຽດນາມ ວິຊາ​ຟີ​ຊິກ​ສາດ ທ້າວ ສຸກ​ຊະນະ ລາດ​ຕະກຸນ ​ມສ ວຽງ​ຈັນ ແລະ ວິຊາ​ເຄ​ມີ​ສາດ ທ້າວ ນະ​ຕິ​ທອນ ຄຳ​ພາ​ພົງສາ ​ມສ ວຽງ​ຈັນ ທັງ​ສາມ​ຈາກ​ນະຄອນຫຼວງ​ວຽງ​ຈັນ ສ່ວນ​ວິຊາ​ຄະນິດສາດ​ໃນ​ປີ​ນີ້ ແມ່ນ​ແຂວງ​ຈຳປາ​ສັກ ເອົາ​ໄປ​ຄອງ ທ້າວ ນຸດ​ສະກາ ຍິມ​ມະ​ວົງ ໂຮງຮຽນ​ພອນ​ສະຫວັນ.

ພິທີ​ສະຫຼຸບ​ຜົນ​ການ​ແຂ່ງຂັນ ຈັດ​ຂຶ້ນ​ທີ່​ມະຫາວິທະຍາໄລ​ແຫ່ງ​ຊາດ ໂດຍ​ມີ​ທ່ານ ລີ​ຕູ້ ບົວ​ປາວ ລັດຖະມົນຕີ​ຊ່ວຍ​ວ່າການ ກະຊວງ​ສຶກ​ສາ​ທິ​ການ ແລະ ກີລາ ພ້ອມ​ດ້ວຍ​ບັນດາ​ທ່ານ​ຜູ້ຕາງໜ້າ​ຈາກ​ຫ້າງ​ຮ້ານ​ບໍລິສັດ ທີ່​ໃຫ້ການ​ສະໜັບສະໜູນ ບັນດາ​ແຂກ​ຖືກ​ເຊີນ ພະນັກງານ​ຄູ-ອາຈານ ຜູ້​ປົກຄອງ​ຍາດ​ມິດ​ສະຫາຍ​ຂອງ​ນ້ອງ​ນັກຮຽນ ທີ່​ເຂົ້າ​ຮ່ວມ​ການ​ແຂ່ງຂັນ​ໃນ​ຄັ້ງ​ນີ້ ຮ່ວມ​ສະແດງ​ຄວາມ​ຍິນ​ດີ​ນຳ.

ທີ່ມາ http://www.vientianemai.net/teen/khao/1/11656

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...