spot_img
Homeຂ່າວພາຍ​ໃນເປັນທາດຢາເສບຕິດ ພາໃຫ້ຄິດຂ້າເມຍ

ເປັນທາດຢາເສບຕິດ ພາໃຫ້ຄິດຂ້າເມຍ

Published on

ເຈົ້າ​ໜ້າທີ່​ພະ​ແນກ​ສືບສວນ-ສອບ​ສວນ​ຄະດີ​ອາຍາ ນະຄອນຫຼວງ​ວຽງ​ຈັນ ໄດ້​ແຈ້ງ​ໃຫ້​ຊາບ​ວ່າ: ເວລາ​ປະມານ 17:10 ໂມງ​ຂອງ​ວັນ​ທີ 23 ເມສາ 2014 ທີ່​ຜ່ານ​ມາ ມີ​ເຫດ​ຄາດ​ຕະ​ກຳ​ເກີດ​ຂຶ້ນ​ຢູ່​ບ້ານ​ຫ້ວຍ​ຫຼ້າ ເມືອງ​ສັງ​ທອງ ນະຄອນຫຼວງ​ວຽງ​ຈັນ.

ຈາກ​ການ​ລົງ​ກວດ​ສອບ​ຢູ່​ສະຖານທີ່​ເກີດ​ເຫດ​ຂອງ​ເຈົ້າ​ໜ້າທີ່ ພົບ​ເຫັນ​ນາງ ແສງ​ດາວ ມະ​ທະ​ຂັນ ອາຍຸ 23 ປີ ອາຊີບ​ເຮັດ​ນາ ນອນ​ເສຍ​ຊີວິດ​ຈົມ​ກອງ​ເລືອດ​ຢູ່​ທີ່​ໜ້າ​ເຮືອນ​ຂອງ​ຕົນ​ເອງ ຈາກ​ສະພາບ​ສົບ ພົບ​ເຫັນ​ຮ່ອງຮອຍ​ຖືກ​ຂອງ​ມີ​ຄົມ ຫຼື ມີດ ແທງ​ເຂົ້າ​ທີ່​ບໍລິເວນ​ກ້ອງ​ກະດູກ​ມີດ​ເບື້ອງ​ຊາຍ ແລະ ດ້ານ​ຫຼັງ​ຈຳນວນ 4 ແຜ ນອກຈາກ​ນີ້ ຍັງ​ພົບ​ເຫັນ​ທ້າວ ພຸດ ອາຍຸ 28 ປີ ອາຊີບ​ເຮັດ​ນາ ເຊິ່ງ​ເປັນ​ຜົວ​ຂອງ​ນາງ ແສງ​ດາວ ແລະ ເປັນ​ຜູ້​ລົງມື​ຄາດ​ຕະ​ກຳ​ເມຍ​ຂອງ​ຕົນ​ເອງ ນອນ​ຢູ່​ເທິງ​ເຮືອນ ໂດຍ​ມີ​ບາດ​ແຜ່​ຫຼາຍ​ແຫ່ງ​ຈາກ​ການ​ເອົາ​ມີດ​ທີ່​ແທງ​ເມຍ ແລ້ວ​ມາ​ແທງ​ເຂົ້າ​ທ້ອງ​ຕົນ​ເອງ ຫວັງ​ຂ້າ​ຕົວ​ເອງ​ຕາຍ​ເພື່ອ​ໜີ​ຄວາມ​ຜິດ.

ສຳລັບ​ແຮງ​ຈູງ​ໃຈ​ໃນ​ການ​ລົງມື​ຄາດ​ຕະ​ກຳ​ຄັ້ງ​ນີ້ ທາງ​ເຈົ້າ​ໜ້າທີ່​ໄດ້​ກ່າວ​ວ່າ: ອາດ​ເກີດ​ຈາກ​ພິດ​ຂອງ​ຢາ​ເສບ​ຕິດ ເຮັດ​ໃຫ້​ປະສາດ​ຫຼອນ ເພາະ​ຜູ້​ທີ່​ລົງມື​ຄາດ​ຕະ​ກຳ​ນັ້ນ ແມ່ນ​ເສບ​ສິ່ງ​ເສບ​ຕິດ​ມາ​ກ່ອນ ແລະ ທາງ​ອຳນາດ​ການ​ປົກຄອງ​ບ້ານ ກໍ່​ເຄີຍ​ໄດ້​ສຶກ​ສາ​ອົບຮົມ​ຜູ້ກ່ຽວ​ມາ​ແລ້ວ​ເຖິງ​ສອງ​ຄັ້ງ ກ່ຽວ​ກັບ​ບັນຫາ​ຢາ​ເສບ​ຕິບ ສ່ວນ​ຂໍ້​ຂັດ​ແຍ່ງ​ອື່ນໆ ເປັນຕົ້ນ​ເລື່ອງ​ການ​ຄົບ​ຊູ້ ຫຼື ຫຼິ້ນ​ກິນ​ຟຸມ​ເຟືອຍ​ແມ່ນ​ບໍ່​ມີ ປັດຈຸບັນ ຜູ້​ທີ່​ກະທຳ​ຜິດ ທາງ​ເຈົ້າ​ໜ້າທີ່​ແມ່ນ​ນຳໄປ​ປີ່ນ​ປົວ​ຢູ່​ທີ່​ໂຮງໝໍ ເພື່ອ​ຈະ​ນຳໄປ​ດຳເນີນ​ຄະດີ​ຂັ້ນ​ຕໍ່​ໄປ.

ທີ່ມາ http://www.vientianemai.net/teen/khao/1/11651

ບົດຄວາມຫຼ້າສຸດ

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...