Ulefone Power ຂອບຂອງໂຕເຄື່ອງເປັນໂລຫະ ມາພ້ອມກັບໜ້າຈໍຂະໜາດ 5.5 ນິ້ວ ຄວາມລະອຽດ 1080p (Full HD) ມາພ້ອມກັບຈໍແບບ 2.5D ແລະປົກປ້ອງດ້ວຍ Gorilla Glass 3. ສຳລັບດ້ານຫຼັງຂອງໂຕເຄື່ອງສາມາດເລືອກໄດ້ລະຫວ່າງວັດສະດຸໄມ້ ແລະ abrasion-proof (ຍັງບໍ່ຮູ້ວ່າເປັນແບບໃດ) ແລະມີລະບົບສະແກນລາຍນິ້ວມືທີ່ດ້ານຫຼັງໂຕເຄື່ອງ
ກ້ອງຫຼັງຄວາມລະອຽດ 13 ລ້ານພິກເຊວ (ໃຊ້ເລນກ້ອງຂອງໂຊນີ IMX214 ຮູຮັບແສງ f/1.8) ສາມາດຖ່າຍວີດີໂອລະດັບ 1080p ພ້ອມກັບເທັກໂນໂລຢີ Electronic Image Stabilization (EIS) ແລະແຟລັດຄູ່ LED. ກ້ອງໜ້າຄວາມລະອຽດ 5 ລ້ານພິກເຊວ
Ulefone Power ໃຊ້ງານລະບົບປະຕິບັດການ Android 5.1 (ຈະໄດ້ຮັບອັບເດດເປັນ 6.0 Marshmallow), ໃຊ້ງານຊິບປະມວນຜົນ Mediatek octa-core ຄວາມໄວທີ່ 1.3GHz, RAM 3GB. ສາມາດໃຊ້ງານໄດ້ 2 ຊິມ (ເປັນແບບ Hybrid card slot) ຄື: microSIMs ຫຼື SIM + microSD. ຮອງຮັບສັນຍານ LTE (150Mbps) ແລະ IR Blaster. ROM 16GB (ເພີ່ມ Micro SD ສູງສຸດ 128GB). ຮອງຮັບ 3G ແລະ 4G
ໃນດ້ານຂອງແບັດເຕີຣີທີ່ເປັນສ່ວນສຳຄັນຂອງໂທລະສັບລຸ້ນດັ່ງກ່າວ ແມ່ນໃຫ້ມາ 6,050mAh ມີລະບົບ Quick Charge ສາມາດສາກໃຫ້ເຕັມໃນເວລາ 2 ຊົ່ວໂມງ (ຖືວ່າປົກກະຕິກັບແບັດລະດັບນີ້), ບໍລິສັັດບອກວ່າສາມາດໃຊ້ງານປົກກະຕິໄດ້ 4 ມື້, ລົມໂທລະສັບໄດ້ 63 ຊົ່ວໂມງ ແລະສະແຕນບາຍໄດ້ 75 ມື້. ຖ້າຫາກວ່າທຽບກັບແບັດຂອງ iPhone 6s ແລ້ວຖືວ່າຫຼາຍເຖິງ 2 ເທົ່າເລີຍ
ສຳລັບໂຕເຄື່ອງນັ້ນມີລາຄາຢູ່ທີ່ $180 (1.450.000 ກີບ) ພ້ອມກັບຕິດຕັ້ງບໍລິການ Google Services ມາພ້ອມ. ລາຍລະອຽດເພີ່ມຕື່ມ Ulefone
ສຳລັບການສັ່ງຊື້ແມ່ນຂາຍສະເພາະທາງອອນລາຍເທົ່ານັ້ນ ລາຍການຮ້ານຄ້າ
ທີ່ມາ:gsmarena