Homeຂ່າວພາຍ​ໃນຕີລາຄາຄືນວຽກງານຖະແຫລງຂ່າວ, ວັດທະນະທຳ ແລະ ທ່ອງທ່ຽວທົ່ວປະເທດສົກປີ 2013-2014

ຕີລາຄາຄືນວຽກງານຖະແຫລງຂ່າວ, ວັດທະນະທຳ ແລະ ທ່ອງທ່ຽວທົ່ວປະເທດສົກປີ 2013-2014

Published on

tue29apr5

ໃນຕອນເຊົ້າຂອງວັນທີ 28 ເມສາ 2014, ທີ່ສູນໄອຊີທີຊີ (ICTC) ຫຼັກ 5, ກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ຈັດກອງປະຊຸມວຽກງານ ຖວທ ທົ່ວປະເທດ ປະຈຳສົກປີ 2013-2014 ຂຶ້ນ ໂດຍການເປັນປະທານຂອງ ທ່ານ ສຈ. ດຣ ບໍ່ແສງຄຳ ວົງ ດາລາ, ກຳມະການສູນກາງ ພັກ, ເລຂາຄະນະພັກກະຊວງ, ລັດຖະມົນຕີວ່າການກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ມີທ່ານລັດຖະ
ມົນຕີຊ່ວຍວ່າການກະຊວງ, ຫົວໜ້າຫ້ອງການ, ຫົວໜ້າພະ ແນກຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວທົ່ວປະ ເທດເຂົ້າຮ່ວມຢ່າງພ້ອມພຽງ.
ທ່ານ ສຈ.ດຣ ບໍ່ແສງຄຳ ວົງ ດາລາ ໄດ້ກ່າວຈຸດປະສົງຂອງ ການດຳເນີນກອງປະຊຸມວ່າ: ຈຸດປະສົງຕົ້ນຕໍແມ່ນຢາກໃຫ້ ທີ່ປະຊຸມພ້ອມກັນເບິ່ງໃຫ້ ເຫັນບັນຫາຕີລາຄາວຽກງານ ຖວທ ໃນປີທີ່ຜ່ານມາຢ່າງຖືກ ຕ້ອງ, ມີຄວາມເປັນເອກະ ພາບໃນການຕົກລົງທິດທາງ ເພື່ອພ້ອມກັນແກ້ໄຂບັນຫາ ໃຫ້ຖີ່ຖ້ວນ ແລະ ມີຄວາມຮັບ ຜິດຊອບສູງ, ມີຄວາມຕັດສິນ ໃຈສູ້ຊົນ ຊຸກຍູ້ວຽກງານ ຖວທ ໃຫ້ມີການຫັນປ່ຽນທີ່ຕັ້ງໜ້າ ແລະ ດີກວ່າເກົ່າ ແນໃສ່ເຮັດ ໃຫ້ການຈັດຕັ້ງປະຕິບັດແນວ ທາງທີ່ກຳນົດໄວ້ໃນມະຕິກອງ ປະຊຸມໃຫຍ່ຄັ້ງທີ IX ຂອງພັກ ແລະ ມະຕິກອງປະຊຸມຄົບ ຄະນະບໍລິຫານງານສູນກາງ ພັກຄັ້ງທີ 7 (ສະໄໝທີ VIII) ກ່ຽວກັບວຽກງານວັດທະນະ ທຳ-ສັງຄົມໃຫ້ມີໝາກຜົນຕົວ ຈິງນັບມື້ຫຼາຍຂຶ້ນ, ສ້າງພື້ນ ຖານອັນໜັກແໜ້ນໃຫ້ແກ່ ການພັດທະນາວຽກງານ ຖວທ ໃຫ້ມີຄວາມສຳເລັດຢ່າງ ຈົບງາມ, ເພາະວ່າວຽກງານ ຖວທ ແມ່ນວຽກງານພັດທະ ນາດ້ານຂໍ້ມູນຂ່າວສານ, ວັດ ທະນະທຳ-ສັງຄົມ ແລະ ການ ທ່ອງທ່ຽວ, ແມ່ນການສ້າງພື້ນ ຖານອະລິຍະທຳທາງດ້ານຈິດ ໃຈຂອງສັງຄົມ ເຊິ່ງເປັນປັດ ໄຈຕັດສິນຕໍ່ການຄົງຕົວ ແລະ ຂະຫຍາຍຕົວຂອງສັງຄົມ ແລະ ຂອງຊາດເຮົາໃຫ້ທຽບ ທັນກັນນາໆຊາດ ແລະ ໃຫ້ ສາມາດເຂົ້າຮ່ວມກັບກະແສ ຄວາມກ້າວໜ້າໃນຂະບວນ ການວິວັດແຫ່ງການພັດທະ ນາ ໃນໂລກໄດ້, ພ້ອມກັນນັ້ນ ທ່ານລັດຖະມົນຕີວ່າການກໍ່ ໄດ້ກ່າວໄຂກອງປະຊຸມຢ່າງ ເປັນທາງການ.
ໃນວາລະດຳເນີນກອງປະ ຊຸມນັ້ນ, ທ່ານ ບົວເງິນ ຊາພູວົງ
ຮອງເລຂາຄະນະພັກກະຊວງ ລັດຖະມົນຕີຊ່ວຍວ່າການກະ ຊວງ ຖວທ ກໍ່ໄດ້ຂຶ້ນຜ່ານບົດ ສະຫຼຸບວຽກງານ ຖວທ 1 ປີ 2012-2013 ແລະ ທິດທາງ ແຜນການໃນຕໍ່ໜ້າ 2013-2014. ພ້ອມນັ້ນຜູ້ແທນກອງ ປະຊຸມໃນແຕ່ລະແຂວງກໍ່ໄດ້ ພ້ອມກັນປະກອບຄຳເຫັນ ຂອງຕົນໃນທີ່ປະຊຸມຢ່າງມີ ຈຸດສຸມ, ມີຄວາມຮັບຜິດຊອບ ສູງ ແລະ ມີບັນຍາກາດອັນຟົດ ຟື້ນ. ກອງປະຊຸມດັ່ງກ່າວແມ່ນ ຈະດຳເນີນໄປພາຍໃນ 3 ວັນ ນັບແຕ່ວັນທີ 28-30 ເມສາ 2014, ໃນນັ້ນຈະໄດ້ທົບທວນ ສະພາບການຈັດຕັ້ງປະຕິບັດ ວຽກງານ ຖວທ ໄລຍະ 1 ປີ ຜ່ານມາສົກປີ 2012-2013 ແລະ ກຳນົດທິດທາງແຜນ ການວຽກງານ ຖວທ ໃນຕໍ່ໜ້າ ປີ 2014-2015.
ສ່ວນໃນຕອນບ່າຍກອງ ປະຊຸມຍັງໄດ້ຮັບຟັງການໂອ້ ລົມຂອງທ່ານ ອາຊາງ ລາວລີ, ຮອງນາຍົກລັດຖະມົນຕີແຫ່ງ ສປປ ລາວ, ຜູ້ຊີ້ນຳຂົງເຂດວັດ ທະນະທຳ-ສັງຄົມ ເພື່ອເປັນ ທິດຊີ້ນຳເຍືອງທາງໃຫ້ການ ຈັດຕັ້ງປະຕິບັດວຽກງານ ຖວທ
ໃຫ້ໄດ້ຮັບປັບປຸງ ແລະ ຈັດຕັ້ງ ປະຕິບັດຢ່າງມີໝາກມີຜົນໃນ ຕໍ່ໜ້າ.

 

ທີ່ມາ http://www.kongthap.gov.la/

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...