ສຳນັກຂ່າວຕ່າງປະເທດ ລາຍງານໃນວັນທີ 26 ກຸມພານີ້ວ່າ ລັດຖະບານອົດສະຕຣາລີ ໄດ້ອອກປະກາດແຈ້ງເຕືອນ ນັກທ່ອງທ່ຽວ ໃຫ້ລະມັດລະວັງເຫດກໍ່ການຮ້າຍ ຢູ່ປະເທດອິນໂດເນເຊຍ ຫລັງຈາກໜ່ວຍສືບຂ່າວຂອງຕົນ ພົບຂໍ້ມູນວ່າ ກຸ່ມກໍ່ການຮ້າຍ ກຳລັງວາງແຜນກຽມລົງມືໃນຂັ້ນສຸດທ້າຍ ເພື່ອດຳເນີນການໂຈມຕີ ໂດຍການເຕືອນດັ່ງກ່າວ ແມ່ນຄວບຄຸມທັງນະຄອນຫລວງຈາກາຕາ ຕະຫລອດຮອດແຫລ່ງທ່ອງທ່ຽວຍອດນິຍົມ ເຊັ່ນເກາະບາຫລີ ດັ່ງນີ້ເປັນຕົ້ນ.
ດ້ານກະຊວງການຕ່າງປະເທດອົດສະຕຣາລີ ໄດ້ລະບຸວ່າ ພວກເຮົາໄດ້ຮັບຂໍ້ມູນຢ່າງຕໍ່ເນື່ອງ ທີ່ບົ່ງບອກວ່າກຸ່ມກໍ່ການຮ້າຍ ອາດຈະວາງແຜນໂຈມຕີໃນອິນໂດເນເຊຍ ຊຶ່ງມັນອາດເກີດຂຶ້ນຢູ່ບ່ອນໃດ ແລະ ເວລາໃດກໍໄດ້.