ສຳນັກຂ່າວຕ່າງປະເທດ ລາຍງານໃນວັນ​ທີ 24 ກຸມພາຜ່ານມານີ້ວ່າ ທ່ານປະທານາທິບໍດີ ອີ​ຢີບ Abdel – Fattah – Sisi ໄດ້ອອກມາຢືນຢັນ​ວ່າ ບັນດາກຸ່ມກໍ່​ການ​ຮ້າ​ຍ ​ໄດ້ເປັນຜູ້ຢູ່ເບື້ອງຫລັງ ໃຫ້ການສະໜັບສະ​ໜູນ​ ເຫດ​ເຮ​ືອບິນ A321 ຂອງຣັ​ເຊຍ ຕົກ​ຢູ່​ແຫລມໄຊນາຍ ປະເທດອີ​ຢີບ ​​​ເມື່ອ​ເດືອນຕຸລາ 2015 ຜ່ານມາ ຊຶ່ງຖືເປັນ​ຄັ້ງ​ທຳ​ອິດທີ່ ລັດຖະບານອີ​ຢີບ ໄດ້ຍອມຮັບ​ຢ່າງ​ເປັນ​ທາງ​ການວ່າ ​ນີ້​ແມ່ນ​ເຫດ​ບຸກ​ໂຈມ​ຕີ​ກໍ່​ການ​ຮ້າຍ.

ທ່ານ Al – Sisi ຖື​ວ່າ ບັນດາຕົວ​ການ​ຂອງ​ເຫດການ​ດັ່ງກ່າວ ຢາກ​ທຳລາຍ​ຂະ​ແໜງ​ການທ່ອງທ່ຽວ​ຂອງອີ​ຢີບ, ພ້ອມ​ທັງທຳລາຍ ການ​ພົວພັນ​ລະຫວ່າງອີ​ຢີບ, ຣັດ​ເຊຍ, ອີ​ຕາ​ລີ ​ແລະ ທົ່ວ​ໂລກ ​ເພື່ອ​​ເຮັດ​ໃຫ້ອີ​ຢີບ ຕົກ​ຢູ່ໃນສະພາບທີ່ໂດດດ່ຽວ. ທ່ານ​ປະທານາທິບໍດີ Al – Sisi ​ເວົ້າ​​ຕື່ມ​ອີກ​ວ່າ ​ເຫດການ​ດັ່ງກ່າວ ​ແມ່ນຖືກດຳເນີນການ ໂດຍ​ກຸ່ມຫົວ​ຮຸນ​ແຮງ ທີ່​ເຄີຍ​ດຳ​ເນີນ​ການ​ບຸກ​ໂຈມ​ຕີ​ຢູ່ແຫລາມໄຊນາຍມາແລ້ວ.