ສຳນັກຂ່າວຕ່າງປະເທດລາຍງານຈາກນະຄອນຫຼວງປາຣີປະເທດຝຣັ່ງ ເມື່ອວັນທີ 25 ກຸມພາຜ່ານມາວ່າ: ກະຊວງເສດຖະກິດຂອງຝຣັ່ງອອກ
ຖະແຫຼງການເລື່ອງການກຽມຮຽກເກັບພາສີຍ້ອນຫຼັງມູນຄ່າ 1 ຕື້ກວ່າເອີໂຣຄືນຈາກກູເກິ້ລໜຶ່ງໃນບໍລິສັດຊັ້ນນຳດ້ານເຕັກໂນໂລຊີລາຍໃຫຍ່ຂອງໂລກຈາກອາເມລິກາ .
ຖະແຫຼງການໄດ້ຮັບການເຜີຍແຜ່ບໍ່ດົນຫຼັງທ່ານ ຊັນດາ ພິໄຊ ປະທານຄະນະເຈົ້າໜ້າທີ່ບໍລິຫານ (ຊີອີໂອ) ຂອງກູເກິ້ລເດີນທາງເຂົ້າພົບທ່ານເອັມມານູເອລ ມາຄຣອນ ລັດຖະມົນວ່າການກະຊວງເສດຖະກິດຂອງຝຣັ່ງ ທີ່ນະຄອນລວງປາຣີ ຂະນະທີ່ສຳນັກງານຂອງກູເກີ້ລໃນອາເມລິກາເປັນສຳນັກງານໃຫຍ່ ແລະ ສາຂາໃນພາກພື້ນເອີຣົບປະຕິເສດສະແດງຄວາມຄິດເຫັນຕໍ່ລາຍງານດັ່ງກ່າວ ໂດຍຢືນຢັນວ່າຂໍ້ຕົກລົງກັບລັດຖະບານຝຣັ່ງຖືເປັນ ຄວາມລັບ ດ້ານທ່ານ ພິໄຊ ກ່າວພຽງວ່າ: ໃນຖານະໜຶ່ງໃນບໍລິສັດລະດັບແນວໜ້າຂອງໂລກກູເກີ້ລຈະຂໍປະຕິບັດ ຕາມກົດໝາຍດ້ານພາສີຂອງປະເທດໃຫ້ຖືກຕ້ອງທີ່ສຸດ.
ຄວາມເຄື່ອນໄຫວດັ່ງກ່າວເປັນໄປຕາມຂະບວນການສຶບສວນຂອງຄະນະກຳມາທິການເອີຣົບ(ອີຊີ) ທີ່ກຳລັງກວດສອບບໍລິສັດຂ້າມຊາດຫຼາຍແຫ່ງທີ່ມີຕັ້ງແຕ່ສຳນັກງານໃນເອີຣົບເພື່ອຫຼີກພາສີຈາກບ້ານເກີດ ໂດຍສ່ວນໃຫຍ່ເປັນບໍລິສັດຈາກອາເມລິກາທີ່ລວມເຖິງແອປເປິ້ລ, ກູເກິ້ລ, ເຟສບຸກ ແລະ ສຕາບັດ.
ຂໍ້ມູນຈາກ http://www.sedthakid.la/