ສຳນັກຂ່າວຕ່າງປະເທດ ລາຍງານໃນວັນທີ 25 ກຸມພານີ້ວ່າ ກອງທຶນການເງິນລະຫວ່າງປະເທດ ຫລື IMF ໄດ້ລະບຸວ່າ ຈາກບັນຫາການຖົດຖອຍຂອງເສດຖະກິດຈີນ ໄດ້ເຮັດໃຫ້ເສດຖະກິດຂອງໂລກໃນອານາຄົດ ຈະອ່ອນແອລົງ ເນື່ອງຈາກເສດຖະກິດຈີນ ເປັນພື້ນທີ່ເສດຖະກິດຂະໜາດໃຫຍ່ ອັນດັບ 2 ຂອງໂລກ ກຳລັງປະເຊີນກັບ ສະພາວະການຈະເລີນເຕີບໂຕຕ່ຳທີ່ສຸດ ໃນຮອບ 25 ປີ ໄປພ້ອມໆກັບຄວາມຕ້ອງການ ໃນບາງປະເທດກໍໄດ້ຫລຸດລົງເຊັ່ນດຽວກັນ.

ທັງນີ້ ອົງການ IMF ໄດ້ຄາດການກ່ຽວກັບ ໂອກາດໃນການເຕີບໂຕຂອງເສດຖະກິດໂລກ ໃນອານາຄົດນີ້ ອາດຈະເກີດຄວາມເສຍຫາຍ ເນື່ອງຈາກຄວາມວຸ້ນວາຍຂອງຕະຫລາດ ຈາກບັນຫາລາຄານ້ຳມັນ ແລະ ສະຖຽນລະພາບທາງການເມືອງບໍ່ໝັ້ນຄົງໃນຫລາຍປະເທດ.

ແນວໃດກໍຕາມ ຕົ້ນປີນີ້ IMF ໄດ້ຫລຸດຜ່ອນອັດຕາການຈະເລີນເຕີບໂຕຂອງເສດຖະກິດໂລກ ໂດຍບອກວ່າ ເສດຖະກິດໂລກປີນີ້ ຈະຂະຫຍາຍຕົວ 3.4% ແລະ ໃນປີໜ້າ ຈະສືບຕໍ່ຂະຫຍາຍຕົວ 3.6% ຕາມລຳດັບ.