ສຳນັກຂ່າວຕ່າງປະເທດ ລາຍງານໃນວັນທີ 23 ກຸມພາຜ່ານມານີ້ວ່າ ກະຊວງວັດທະນະທຳມຽນມາ ໄດ້ອອກປະກາດ ຫ້າມນັກທ່ອງທ່ຽວ ປືນຂຶ້ນບູຮານສະຖານ ເພື່ອຊົມທິວທັດທົ່ງເຈດີເມືອງພຸກາມ ຊຶ່ງເປັນແຫລ່ງທ່ອງທ່ຽວທີ່ມີຊື່ສຽງຂອງປະເທດ ເພື່ອປ້ອງກັນພຶດຕິກຳທີ່ບໍ່ເໝາະສົມ ເນື່ອງຈາກໃນໄລຍະຜ່ານມາ ມີນັກທ່ອງທ່ຽວຈຳນວນຫລວງຫລາຍ ພາກັນປີນໄຕ່ຂຶ້ນຕາມໂຄງສ້າງບູຮານ ເພື່ອຊົມຕາເວັນຕົກ ບໍວິເວນທົ່ງເຈດີ ທີ່ມີເຈດີຫລາຍກວ່າ 2,500 ແຫ່ງ ແລ້ວມີພຶດຕິກຳທີ່ຂັດຕໍ່ວັດທະນະທຳອັນດີງາມເຊັ່ນ ການແຕ່ງກາຍບໍ່ເໝາະສົມ ມີການເຕັ້ນລຳ ຫລື ນອນຫລັບຢູ່ເທິງເຈດີ ຊຶ່ງຂໍ້ຫ້າມໃໝ່ທີ່ປະກາດນີ້ ຈະເປັນການປົກປ້ອງສິ່ງປຸກສ້າງບູຮານ ທີ່ຖືເປັນປູສະນິຍະສະຖານ ຂອງຊາວມຽນມາໃນທ້ອງຖິ່ນ ລວມທັງເປັນການປ້ອງກັນອັນຕະລາຍ ທີ່ອາດເກີດຂຶ້ນ ຕໍ່ກັບນັກທ່ອງທ່ຽວ ທີ່ປີນຂຶ້ນໄປອີກດ້ວຍ.

ທັງນີ້ ຂໍ້ຫ້າມດັ່ງກ່າວ ແມ່ນຈະມີຜົນບັງຄັບໃຊ້ ນັບຕັ້ງແຕ່ວັນທີ 1 ມີນາ 2016 ເປັນຕົ້ນໄປ.