- ແອັບເປິ້ນ ສີສະຫງ່ຽມ
ອັນດັບໜຶ່ງຕ້ອງຍົກໃຫ້ສາວຄົນນີ້ ບໍ່ວ່າຈະເປັນທີ່ຮູ້ກັນໃນດ້ານດາຣາ, ພິທີກອນ, ນາງແບບ ຫຼື ຖານະແຟນຂອງພະເອກໜຸ່ມລໍ່ ຟລຸດ ຊີຄວິນ (ດາຣາປະເທດໄທ) ເຊິງສະໄຕລ໌ການແຕ່ງຕົວຂອງນາງຈະເນັ້ນເປັນ Casual Chic ແລະ Street ແຕ່ຜ່າຄວາມສະໜຸກສະໜານຜ່ານເທຣນສີສັນທີ່ສົດໃສ.
2. ຈີຈີ້ ພອຍໄພລິນ ສີວິໄລ
ສາວໜ້າງາມຄົນນີ້ໂດ່ງດັງຫຼາຍທັງໃນພາຍປະເທດເຮົາ ແລະ ປະເທດເພື່ອນບ້ານ ນອກຈາກນາງຈະເປັນຄົນຫຸ່ນດີ, ງາມ ແລະ ໜ້າຮັກແລ້ວ ຄວາມສາມາດຂອງນາງບອກໄດ້ເລີຍວ່າສຸດຍອດ ນາງສາມາດເວົ້າໄດ້ຫຼາຍພາສາ ແລະ ນາງຍັງມີຄວາມສາມາດດ້ານແຟຊັ່ນນຳອີກ ຈິ່ງບໍ່ໜ້າແປກໃຈເລີຍວ່າ ນາງໄດ້ເປັນເນັດໄອດໍ້ຂອງໄວລຸ້ນລາວໄດ້ແນວໃດ
3. ແພນດ້າ ຝົນນະພາ
ສ່ວນສາວຄົນນີ້ບໍ່ແມ່ນດັງແຕ່ຢູ່ໃນເຂດ AEC ເທົ່ານັ້ນ ແຕ່ຍັງດັງໄກເຖິງເກົາຫຼີເລີຍ ເພາະຄວາມທີ່ນາງມີໃບໜ້າທີ່ສວຍສົດງົດງາມ ເຊິ່ງປັດຈຸບັນນາງກໍ່ກຳລັງຮຽນຢູ່ທີ່ Ehwa Women University ປະເທດເກົາຫຼີ ສະໄຕລ໌ການແຕ່ງຕົວຂອງນາງຮຽກໄດ້ວ່າເໝາະສົມກັບໜ້າຕາຂອງນາງແທ້ໆ ງາມສົມໄວ ສົດໃສສະບາຍຕາເປັນທີ່ສຸດ.
4. ຫລິງຫລິງ ປິຍະດາ
ສາວຄົນນີ້ຖືໄດ້ວ່າເປັນສາວປະເເພດສອງຂອງລາວຄົນທຳອິດທີ່ໄປໂດ່ງດັງໄກເຖິງຕ່າງແດນ ນາງມີດີກຣີເປັນເຖິງຮອງອັນດັບສອງຂອງເວທີ ມິສ ອິນເຕີເນເຊັ່ນແນລຄລິນ 2014 ແລະ ຄວາມງາມຂອງນາງຖືວ່າບໍ່ເປັນຮອງໃຜ ສ່ວນການແຕ່ງຕົວຂອງນາງກໍ່ບໍ່ທຳມະດາເພາະແອບແຝງໄປດ້ວຍຄວາມເຊັກຊີເບົາໆແຕ່ມີລະດັບ ຈົນຜູ້ຍິງແທ້ໆຕ້ອງຍອມນາງ
ໂດຍ: ປັອກເລັກ.