ມສ ຂົວຕະພານເມືອງປາກເຊ ແຂວງຈຳປາສັກ ໄດ້ເປີດລະດູການກີລາປະຈຳສັກປີ 2015-2016 ໂດຍຈັດໃຫ້ມີການແຂ່ງຂັນກີລາ 5 ປະເພດຄື: ບານເຕະ(ຊາຍ-ຍິງ), ບານສົ່ງຊາຍ (ຊາຍ-ຍິງ), ກະຕໍ້ (ຊາຍ-ຍິງ),ເປຕັງ(ຊາຍ-ຍິງ) ແລະໝາກເສີກ(ຊາຍ-ຍິງ) ຊັ້ນ ມ.ປາຍ ແມ່ນເຂົ້າຮ່ວມທຸກປະເພດ, ສ່ວນ ມ.ຕົ້ນ ເຂົ້າຮ່ວມແຂ່ງຂັນມີແຕ່ 4 ປະເພດ ປະເພດກີລາບໍ່ໄດ້ເຂົ້າຮ່ວມແມ່ນກີລາໝາກເສີກ, ການແຂ່ງຂັນໄດ້ເລີ່ມຕົ້ນມາແຕ່ເດືອນທັນວາ 2015 ຜ່ານມາ ແລະໄດ້ຈັດພິທີເປີດຢ່າງເປັນທາງການໃນວັນທີ 19/2/2016 ຈະສືບຕໍ່ແຂ່ງຂັນຮອດວັນທີ 12/4/2016 ຈິງຈະປິດລະດູການແຂ່ງຂັນກີລາໃນໄລຍະຜ່ານມາມີບາງປະເພດກີລາກໍໄດ້ແຂ່ງຂັນສຳເລັດແລ້ວໂດຍນຳໃຊ້ ເດີ່ນແຂ່ງຂັນຂອງໂຮງຮຽນເອງ, ພິທີເປີດລະດູການກີລາຄັ້ງນີ້ຍັງໄດ້ມີການສະແດງສີລະປະວັນວັນນະຄະດີຟ້ອນ, ຮ້ອງເພງຂອງນັກຮຽນແຕ່ລະຊັ້ນຢ່າງມີບັນຍາກາດເບີກບານມ່ວນຊື່ນ.
ເປັນກຽດເຂົ້າຮ່ວມ ແລະກ່າວເປີດໂດຍທ່ານ ພູທອນ ສີເມືອງ ຜູ້ອຳນວຍການ ມສ ຂົວຕະພານ ເມືອງປາກເຊ ແຂວງຈຳປາສັກ ພ້ອມດ້ວຍຄະນະມີອຳນາດການປົກຄອງບ້ານ, ສະມາຄົມພໍ່ແມ່ນັກຮຽນພະນັກງານຄູ-ອາຈານນ້ອງນັກຮຽນແຕ່ຊັ້ນ ມ.1 ຊັ້ນ ມ.7 ເຂົ້າຮ່ວມຢ່າງຫຼວງຫຼາຍ.
ກີລາບາງປະເພດທີ່ແຂ່ງຂັນສຳ ເລັດແລ້ວມີດັ່ງນີ້ຊັ້ນມັດທະຍົມຕອນຕົ້ນກີລາເປຕັງ(ຊາຍຊະນະເລີດແມ່ນຫ້ອງ ມ.4/3, ຮອງຊະນະເລີດຫ້ອງ ມ.4/2 ແລະທີ 3 ຫ້ອງ ມ.2/4, ປະ ເພດ(ຍິງ)ຊະນະເລີດຫ້ອງ ມ.2,ຮອງ ຊະນະເລີດຫ້ອງ ມ.4 ແລະທີ 3 ຫ້ອງ ມ.1, ກີລາບານເຕະ(ຊາຍຊະນະເລີດຊູເປີສະຕາ ມ.4, ຮອງຊະນະເລີດສະເປີມ ມ.4, ທີ 3 ທີມປະສົມ ມ.4/1 ແລະ ມ.4/2, ຊັ້ນມັດທະຍົມຕອນປາຍກີລາບານເຕະປະເພດ(ຍິງ)ຊະນະເລີດຊັ້ນ ມ.7,ຮອງຊະນະເລີດຊັ້ນ ມ.6, ທີ 3 ຊັ້ນ ມ.5, ກີລາບານສົ່ງປະເພດ(ຍິງ)ຊະນະເລີດ ມ.5, ຮອງຊະນະເລີດຊັ້ນ ມ.7, ທີ 3 ຊັ້ນ ມ.6 ແລະກີລາທີ່ຍັງ ບໍ່ສຳເລັດຈະສືບຕໍ່ແຂ່ງຂັນຄື: ຊັ້ນມັດທະຍົມຕອນຕົ້ນມີກີລາບານເຕະ(ຍ), ກະຕໍ້(ຊາຍ-ຍິງ) ກີລາບານສົ່ງ (ຊາຍ ຍິງ), ຊັ້ນມັດທະຍົມຕອນປາຍມີກີລາບານເຕະ(ຊາຍ),ກີລາບານສົ່ງ (ຊາຍ), ກີລາກະຕໍ້(ຊາຍ-ຍິງ), ກີລາໝາກເສີກ(ຊາຍ-ຍິງ) ແລະກີລາ ເປຕັງ(ຊາຍ-ຍິງ).
ຂໍ້ມູນຈາກ http://www.sedthakid.la/